एनआरएनए अमेरिकाद्वारा नौ जना महिला सम्मानित

कोलोराडो(अमेरिका), २६ फागुन ।
अन्तर्राष्ट्रिय महिला दिवसका अवसरमा गैर आवासीय नेपाल संघ एनसीसी (एनआरएनए)अमेरिकाले बिभिन्न बिधा र क्षेत्रमा योगदान पु¥याउने प्रेरणादायी नौ जना महिलालाई सम्मान गरेको छ ।

एनआरएनए कोलोराडो च्याटर र नेपाल वुमन थ्राईभ(एनडब्लुटी) को सहकार्यमा एनआरएनए एनसीसी अमेरिकाद्वारा अन्तर्राष्ट्रिय महिला दिवसका अवसरमा आईतवार कोलोराडोको वेष्टमिनिष्टरमा आयोजित एक कार्यक्रममा नौ जना महिलालाई सम्मान गरिएको हो ।

कार्यक्रममा सगरमाथा आरोही एकल महिला नीमा डोमा शेर्पा, ओलम्पियन निष्मा गुरुङ, महिला उद्यमी तथा समाजसेवी दिल कुमारी श्रेष्ठ, समाजसेवी मीना पौडेल, गायिका निर्मला श्रेष्ठ, लेखिका प्रमिला शर्मा, समाजसेवी उत्तरा श्रेष्ठ, रिभाईभ मेडिकल वेलनेसकी सिईओ तथा रिजेनेरेटिभ स्पेशसिष्ट डा. शारदा काफ्ले त्रिपाठी(डक्टर अफ नर्स प्राक्टिसनर) उद्यमी तथा सांस्कृतिक दूत मिना मास्केलाई सम्मान गरिएको थियो ।

कोलोराडो राज्य सभा सदस्य केनी न्यूयाङ र वेष्टमिनिष्टर नगरकी मेयर क्लेरा कार्मेलियाले बिभिन्न बिधा र क्षेत्रमा विशिष्ट योगदान पु¥याउने सम्मानित नौ जना महिलालाई प्रशंसा पत्र प्रदान गरिन् ।

कार्यक्रमकी मुख्य वक्ता डा. उमा सिटौलाले महिलाको शक्ति, स्वास्थ्य तथा कल्याणसँग सम्बन्धित चुनौतीहरू र ती चुनौतीहरूले महिलाको प्रगतिमा पार्ने प्रभावबारे चर्चा गरिन् ।

उनले दृढ इच्छा र समर्पणका साथ काम गरेमा कुनै पनि लक्ष्य हासिल गर्न सकिने बताईन् ।

विशेष वक्ता अधिवक्ता स्मारिका थापाले आप्रवासी अधिकार र समुदायका लागि उपलब्ध सहयोगबारे जानकारी दिईन् ।

कार्यक्रममा नेपाल वुमथ थ्राईभकी प्रकृति जोशी र रियलटर नीलम श्रेष्ठले सम्मानित प्रेरणादायी महिलाहरुको योगदानका बारेमा र शर्मिला शर्माले अन्तर्राष्ट्रिय महिला दिवसको महत्वमाथि चर्चा गरिन् ।

सम्मानसंगै सांस्कृतिक कार्यक्रम समेत आयोजना गरिएको कार्यक्रममा नेपाल वुमथ थ्राईभकी प्रकृति जोशी र सृष्टि उप्रेतीले सुन्दर नृत्य प्रस्तुत गरेकी थिईन् ।

नेवा खलः समूहले सय थरी बाजा बोलको गीतमा प्रस्तुत गरेको मनमोहक नृत्यले सबैलाई मन्त्रमुग्ध एको थियो ।

एनआरएनए कोलोराडो च्याप्टरकी महिला उपाध्यक्ष नमुना गैरको अध्यक्षतामा सम्पन्न कार्यक्रममा गायिका सम्झना पाण्डेले गणेश वन्दना तथा नेपाली राष्ट्रिय गान प्रस्तुत गरेकी थिईन् ।

एनआरएनए एनसीसी अमेरिका महासचिव आरसी पन्तले कार्यक्रमका अतिथि तथा सहभागीहरुलाई स्वागत गरेका थिए ।

एनआरएनए नेपाल वुमन थ्राईभ(एनडब्लुटी) को सहकार्यमा एनआरएनए कोलोराडो च्याप्टरद्धारा आयोजित कार्यक्रममा नेपाली समुदायका वरिष्ठ सदस्य तथा सामाजिक अभियन्ता नारायण श्रेष्ठ, सिर्जना श्रेष्ठ, उत्तरा राम श्रेष्ठ, डा. विजय राज शर्मा तथा गायक तथा लेखक हिरण्य भोजपुरे लगायतको उपस्थिति रहेको थियो ।