सुनको मूल्य घट्यो

काठमाडौं । स्थानीय बजारमा शुक्रबार (फागुन १५) सुनको मूल्यमा केही कमी आएको छ । चाँदीको मोलमा सामान्य बढोत्तरी भएको छ ।

बिहीबार (फागुन १४)को तुलनामा सुनको मूल्य तोलामा ५०० रुपैयाँले घटेको छ । चाँदीको मोल तोलामा १५ रुपैयाँले बढेको छ ।

नेपाल सुनचाँदी व्यवसायी महासंघका अनुसार, यस दिन एक तोला छापावाल सुनको मूल्य तीन लाख १४ हजार ९०० कायम छ । एक तोला चाँदीको मोल पाँच हजार ७४० रुपैयाँ कायम छ । बिहीबार छापावाल सुन प्रतितोला तीन लाख १५ हजार ४०० र एक तोला चाँदीको मोल पाँच हजार ७२५ रुपैयाँ निर्धारण भएको थियो ।

यस दिन अन्तर्राष्ट्रिय बजारमा एक औँस सुन पाँच हजार १८७ अमेरिकी डलर र त्यति नै परिमाणको चाँदी ९० डलरमा कारोबार भइरहेको छ । रासस