सुन-चाँदीको भाउ घट्यो

काठमाडौं- नेपाली बजारमा सोमवार सुन-चाँदीको मूल्यमा गिरावट देखिएको छ। अघिल्लो दिन अर्थात् आइतवार उल्लेखनीय रूपमा बढेको सुनको भाउ आज भने घटेर कारोबार भइरहेको छ।

आइतवार प्रतितोला दुई हजार तीन सय रुपैयाँले बढेको सुन सोमवार भने तोलामा तीन हजार रुपैयाँले घटेको हो। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला तीन लाख दुई हजार आठ सय रुपैयाँ निर्धारण गरिएको छ। आइतवार भने यही सुन तीन लाख पाँच हजार आठ सय रुपैयाँमा किनबेच भएको थियो।

चाँदीको मूल्य पनि सोमवार ओरालो लागेको छ। आइतवार प्रतितोला चार हजार नौ सय ८५ रुपैयाँमा कारोबार भएको चाँदी आज चार हजार आठ सय ६० रुपैयाँमा झरेको छ। यसअनुसार चाँदीमा प्रतितोला एक सय २५ रुपैयाँको कमी आएको हो।