जसपा नेपालका आठ नेता निष्कासित

काठमाडौं- जनता समाजवादी पार्टी नेपालले ८ जना नेतालाई निष्कासित गरेको छ। पार्टीको नीति विपरीत आधिकारिक उम्मेदवारविरुद्ध उम्मेदवारी दिएको भन्दै जसपा नेपालले उनीहरूलाई निष्कासित गरेको हो।

निष्कासितमा पर्नेहरूमा प्रदीप यादव, चन्दनकुमार सिंह, आत्माराम साह, कमरुल्लाह अन्सारी, उदयकान्त मिश्र, हरिनारायण यादव, नवल किशोर सिंह र डा. शिवजी यादव छन्।

‘आसन्न प्रतिनिधि सभा निर्वाचन २०८२ को प्रत्यक्ष तर्फ जनता समाजवादी पार्टी, नेपालको नीति तथा निर्णय विपरीत पार्टीको आधिकारिक उम्मेदवारहरूको विरुद्ध, उम्मेदवारी दिने तथा पार्टीको हीत, पार्टी अनुशासन र विधान विपरीत कार्य गरेकोले तपसिलका व्यक्तिहरूलाई आजकै मितिबाट लागू हुने गरी पार्टीबाट निष्काशन गरिएको व्यहोरा जानकारी गराउँदछौं,’ संरक्षक महन्थ ठाकुर र अध्यक्ष उपेन्द्र यादवद्वारा जारी विज्ञप्तिमा भनिएको छ।