कैलाली-५ बाट रानाले दिए स्वतन्त्र उम्मेदवारी

कैलाली- फागुन २१ गते हुने प्रतिनिधिसभा निर्वाचनका लागि कैलाली निर्वाचन क्षेत्र नम्बर ५ मा पूर्व संविधान सभा सदस्य प्यारेलाल रानाले स्वतन्त्र उम्मेदवारी दर्ता गराएका छन् ।

नेपाली काङ्ग्रेसबाट संविधान सभा सदस्य बनेका राना केही समयदेखि पार्टीसँग असन्तुष्ट रहँदै आएका थिए । उनले आज मुख्य निर्वाचन अधिकृतको कार्यालयमा पुगेर कैलाली-५ बाट स्वतन्त्र उम्मेदवारी दर्ता गराएका हुन् ।

कैलाली-५ मा नेपाली काङ्ग्रेसबाट नरनारायण शाह, नेकपा एमालेबाट यज्ञ ढुङ्गाना, नेपाली कम्युनिस्ट पार्टी नेकपाबाट प्रेम आले तथा राष्ट्रिय स्वतन्त्र पार्टी (रास्वपा)बाट आनन्द चन्द उम्मेदवार रहेका छन् ।

आज सो क्षेत्रका सबै उम्मेदवारहरूले मनोनयन दर्ता गराउने कार्यक्रम रहेको छ ।