गृहमन्त्रीको हैसियतले मैले कुनै बल प्रयोग गर्न आदेश दिएको हैन : लेखक

काठमाडौँ । तत्कालीन गृहमन्त्री रमेश लेखकले भदौ २३ गतेको जेन जी आन्दोलनमा गृहमन्त्रीको हैसियतले बल प्रयोग गर्न आदेश नदिएको बताएका छन्। काँग्रेस केन्द्रीय कार्यालयमा आज पत्रकार सँगको कुराकानीमा उनले तत्कालिन गृहमन्त्रीका हैसियतले आफूले बल प्रयोग गर्न आदेश नदिएको बताएका हुन्।

‘प्रधानमन्त्री जोसुकै भए पनि, गृहमन्त्रीले आदेश गर्ने भन्ने यी विषयहरू पनि होइनन् र कुनै त्यस्तो खालको बल प्रयोग गर्ने आदेश गरिएको छैन, प्रधानमन्त्रीजी र मेरो तर्फबाट आदेश दिइएको छैन,’

उनले धेरै मानिसको ज्यान गुमेको, सरकारी र व्यक्तिगत संरचनामा आगजनी भएको पनि उनले बताए। ती घटनाप्रति आफू दुखित भएको र तत्काल पदबाट राजीनामा दिएको समेत बताए।