काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफू अब ‘रिटायर्ड लाइफ’ नबिताउने स्पष्ट पारेका छन् ।
शुक्रबार प्रेस सेन्टर नेपालले काठमाडौंमा आयोजना गरेको छलफलमा प्रचण्डले राजनीतिक रूपमा सक्रिय रहिरहने बताएका हुन् । तर उनले पार्टीको शीर्ष नेतृत्वमै निरन्तर रहिरहनुपर्ने पक्षमा भने आफू नरहेको स्पष्ट पारे ।
‘रिटायर्ड लाइफ त बिताउँदिन, तर म पार्टी प्रमुख भइरहनै पर्छ भन्ने छैन,’ उनले भने । प्रचण्डले पछिल्लो समय तीन पार्टी र तीन नेतामाथि उस्तै धारणा बनाइएकामा असन्तुष्टि जनाए । ‘यसरी खबरदारी गर्ने दल र मलाई पनि उही डालोमा राख्दा मन दुख्छ,’ उनले भने ।
उनले जेन–जी आन्दोलनको मागप्रति समर्थन जनाउँदै त्यसलाई सम्मान गर्नुपर्ने धारणा राख्दै यसलाई सम्बोधन गर्न नसके देश पछाडि पर्ने बताए ।
प्रचण्डले अहिलेको मुख्य प्राथमिकता फागुन २१ गते तोकिएको निर्वाचनलाई सफल बनाउनु रहेको पनि बताए।
उनले आफूले भन्दै आएको कुरा ठ्याक्कै मिल्न गएको भन्दै ज्योतिषीजस्तो लाग्ने गरेको बताउ ।
