काठमाडौं । आईसीसी यु-१९ विश्वकप एसिया छनोटको पहिलो खेलमा नेपालले यूएईसँग प्रतिस्पर्धा गरिरहेको छ । तल्लो मुलपानी क्रिकेट मैदानमा यूएईले टस जितेर फिल्डिङ रोजेपछि नेपालले सुरुमा ब्याटिङ गरिरहेको छ ।
५० ओभरको खेललाई ४० ओभरमा घटाइएको छ । वर्षाका कारण मैदानमा पानी जमेकाले त्यसलाई सुकाउने काम गर्दा खेल निर्धारित समयभन्दा दुई घण्टा ढिलो सुरु भएको हो ।
घरेलु टिम नेपालसँगै यूएई, अफगानिस्तान, हङकङ र ओमानमध्ये छनोटमा शीर्ष हुने टिम अर्को वर्ष हुने यु-१९ विश्वकपमा छनोट हुनेछ ।
काठमाडौं । हङकङमा भइरहेको हङकङ टी२०आई सिरिजको फाइनलमा नेपालले कुवेतविरुद्ध पहिले बलिङ गर्दैछ ।
नेपालले टस जितेर बलिङ रोज्दै कुवेतलाई ब्याटिङको निम्तो दिएको हो । चार राष्ट्र सहभागी सिरिजमा शीर्ष दुईमा रहँदै नेपाल र कुवेत फाइनल पुगेका हुन् ।
नेपाल लिग चरणमा अपराजित रहँदै पहिलो भएको थियो र कुवेत दोस्रो भएको थियो । लिग चरणमा नेपालले कुवेतलाई पराजित गरेको थियो ।
क्रेम्लिनले उक्त भेट चार घण्टाभन्दा लामो भएको र “युक्रेनी समाधानका पक्षहरू”मा केन्द्रित रहेको जनाएको छ।
पुटिनसँग विट्कफले गरेको यो वर्षको यो तेस्रो वार्ता हो र यसलाई विशेषदूत किरिल दिमित्रीभले “फलदायी” भनेर व्याख्या गरेका छन्।
वार्ताको अहिलेको गतिलाई लिएर ट्रम्पले पुटिनसँग निराशा व्यक्त गरेका छन्।
शुक्रवार उनले सामाजिक सञ्जालमा लेखे, “रुसले अगाडि बढ्नु पर्छ। एउटा भयानक र अर्थहीन युद्धमा सातामै हजारौँ मानिसहरूको ज्यान गइरहेको छ।”
युक्रेनका लागि ट्रम्पका दूत किथ केलगले देश विभाजन हुन सक्ने कुरालाई अस्वीकार गरेपछि उनको यो स्टेटस आएको हो।
द टाइम्स पत्रिकासँगको अन्तर्वार्ताका क्रममा केलगले ब्रिटिश र फ्रान्सेली फौज युक्रेनको पश्चिमी क्षेत्रस्थित नियन्त्रित इलाकाहरूमा रहने सक्ने प्रस्ताव गरेका थिए। उनले त्यस क्षेत्रमा “विश्वास दिलाउने शक्ति”का रूपमा त्यस्ता फौझहरू राख्न सकिने प्रस्ताव गरेका हुन्।
त्यो शक्तिले युक्रेनमा युद्धविराम र देशको दीर्घकालीन आत्मविश्वास बढाउन मद्दत गर्ने ठानिएको छ र त्यसबारे चर्चा भइरहेको छ।
उनले रुसी सेनालाई कब्जा गरिएका युक्रेनका पूर्वी भागमा रहनसक्ने प्रस्ताव पनि गरेको बताइएको छ।
“यसलाई तपाईंले दोस्रो विश्वयुद्धपछि बर्लिनमा भएको जस्तो गर्न पनि सक्नुहुन्छ”, उनको भनाइ उद्धृत गर्दै टाइम्स पत्रिकाले लेखेको छ।
केलगले पछि सामाजिक सञ्जालमा आफूले भनेको कुरालाई “गलत रूपमा प्रस्तुत” गरिएको भन्दै त्यसको खण्डन गरेका छन्।
“म युक्रेनको सार्वभौमिकताको समर्थनमा युद्धविरामपछिको अवस्थाबारे कुरा गरिरहेको थिएँ,” उनले एक्समा लेखेका छन्, “म युक्रेनको विभाजन गर्ने कुरा गरिरहेको थिइनँ।”
ती टिप्पणीहरूमा न त ह्वाइट हाउस न त किएभले तत्कालै नै प्रतिक्रिया जनाए। बीबीसीले टाइम्स पत्रिकासँग यसबारे प्रतिक्रिया मागेको छ।
यसअघि शुक्रवार युरोपेली राष्ट्रहरूले किएभलाई सैन्य सहायताका लागि २१ अर्ब यूरो दिने सहमति गरेका थिए।
कार्यक्रममा युरोपका रक्षामन्त्रीहरूले युद्ध अन्त्यको कुनै सङ्केत आफूहरूले नदेखेको बताए।
पुटिन-विट्कफ वार्ताअघि, क्रेम्लिनका प्रवक्ता दिमित्री पेस्कोभले “सम्बन्ध सामान्यीकरणको प्रक्रिया जारी रहेकोले” “समाधानको अपेक्षा गर्नु आवश्यक छैन” भनेका छन्।
पुटिन र ट्रम्पको भेटघाटको मिति तय गर्ने विषयमा छलफल हुन सक्छ कि सक्दैन भन्ने प्रश्नमा पेस्कोभले भने, “हेरौँ। विट्कफले के प्रस्ताव लिएर आएका छन् भन्नेमा भर पर्छ।”
यसअघि, विट्कफले सेन्ट पिटर्सबर्गको ग्र्यान्ड होटल युरोपमा दिमित्रीभसँग भेटघाट गरेका थिए जहाँ स्टेनलेस स्टील र रुसी बजारबारे सम्मेलन गरिएको थियो।
रुसको सार्वभौम सम्पत्ति कोषका प्रमुख ४९ वर्षीय दिमित्रीभले गत साता वासिङ्टनको भ्रमण गरेका थिए।
सन् २०२२ मा युक्रेनमा भएको पूर्णस्तरको आक्रमणपछि अमेरिका जाने उनी सबैभन्दा वरिष्ठ रुसी अधिकारी हुन्।
यसैबीच युक्रेनका राष्ट्रपति भोलोदिमिर जेलेन्स्कीले शुक्रवार आफ्नो गृहनगर क्रिभी रिमा एप्रिल ४ मा रुसले गरेको क्षेप्यास्त्र आक्रमणस्थलको भ्रमणको क्रममा क्रेम्लिनमाथि युद्ध लम्ब्याएको आरोप लगाए। आक्रमणमा नौ बालबालिकासहित १९ जनाको मृत्यु भएको थियो।
उनले सयौँको सङ्ख्यामा चिनियाँ नागरिकहरू रुसी सेनासँग लडिरहेको आरोप पनि लगाए। युक्रेनले दुई चिनियाँ नागरिकलाई नियन्त्रणमा लिएको बताएपछि यो कुरा बाहिरिएको हो।
“कम्तीमा सयौँ चिनियाँ नागरिकहरू रुसको तर्फबाट लडिरहेका छन् भन्ने हामीलाई जानकारी छ,” जेलेन्स्कीले भने।
“यसको अर्थ रुसले चिनियाँहरूको जीवन प्रयोग गरेर पनि युद्धलाई लम्ब्याउन खोजिरहेको स्पष्ट छ।”
जेलेन्स्कीले नौ र सात वर्षका बालबालिकाको तस्बिर अगाडि फूल चढाए।
तस्बिर स्रोत,Ukrainian presidency
उनले पछि “जीवन र सहर बचाउन” हवाई रक्षा प्रणालीका लागि यसअघि गरेको आह्वान दोहोर्याए।
“हामीले राष्ट्रपति ट्रम्पसँग यसबारे छलफल गर्यौँ। युक्रेनले केवल मागिरहेको छैन र हामी यी थप प्रणालीहरू किन्न तयार छौँ,” उनले सामाजिक सञ्जालमा लेखे।
“रुस जस्तो छिमेकी भएपछि जीवन बचाउनका लागि शक्तिशाली हतियारहरूमा मात्रै साँच्चै भर पर्न सकिन्छ।”
ट्रम्पले पहिला नै युक्रेन-रुस द्वन्द्व “२४ घण्टामा” अन्त्य गर्न सक्ने दाबी गरिसकेका छन्।
शुक्रवार उनले सन् २०२२ मा रुसले पूर्ण-स्तरको आक्रमण सुरु गर्दा यदि आफू ह्वाइट हाउसमा भएको भए यो घटना नै नहुने घोषणा गरे।
“यस्तो युद्ध कहिल्यै हुनै पर्दैनथ्यो र यदि म राष्ट्रपति भएको भए हुने पनि थिएन!!!,” उनले लेखेका छन्।
उक्त आक्रमणयता रुसी र अमेरिकी अधिकारीहरूले गत फेब्रुअरीमा साउदी अरेबियामा पहिलो पटक प्रत्यक्ष वार्ता गरेका थिए। अधिकारीहरूले पूर्ण कूटनीतिक सम्बन्ध पुनर्स्थापित गर्ने बारेमा छलफल गर्न भेटघाट गर्दै आएका छन्।
अमेरिकी राष्ट्रपतिको रूपमा दोस्रो कार्यकाल सुरु भएदेखि नै ट्रम्पको पनि जेलेन्स्कीसँग सम्बन्ध चिसो रहेको छ। गत फेब्रुअरीमा ओभल अफिस (अमेरिकी राष्ट्रपतिको कार्यकारी कार्यालय) मा दुई जनाबीच आक्रोशपूर्ण चर्काचर्की भएको थियो।
अमेरिकाले ब्ल्याक सीमा युक्रेन र रुसबीच सीमित युद्धविराम गराउने प्रयास गर्यो। तर क्रेम्लिनले आफ्नो छिमेकीमाथि पूर्ण आक्रमण सुरु गरेयता लगाइएका प्रतिबन्धहरू हटाउन आग्रह गर्दा यो युद्धविराम रोकियो।
त्यसबेला देखि नै ट्रम्पले किएभ र मस्कोबीच युद्धविराममा सहमति हुन नसकेकोमा पुटिनसँग आफू “एकदमै रिसाएको” र “क्रोधित” भएको बताएका छन्।
यो साताको सुरुमा वासिङ्टन र मस्को कैदी आदानप्रदानमा अगाडि बढेका छन्।
सन् २०२२ को फेब्रुअरीमा युद्ध सुरु हुँदा युक्रेनको परोपकारी संस्थालाई ५१ डलर दान गरेको आरोपमा रुसी-अमेरिकी नागरिक सेनिया करेलिनालाई रुसमा १२ वर्षको जेल सजाय सुनाइएको थियो।
लस एन्जलसकी बासिन्दा रहेकी करेलिनालाई बिहीवार बिहान रिहा गरियो र सन् २०२३ मा साइप्रसमा पक्राउ परेका जर्मन-रुसी दोहोरो नागरिकता भएका आर्थर पेट्रोभसँग साटासाट गरियो।
उनीमाथि सेनासँग काम गर्ने उत्पादकहरूका लागि रुसमा अवैध रूपमा माइक्रोइलेक्ट्रोनिक्स निर्यात गरेको आरोप लगाइएको थियो।
वीवीसीबाट ।
लुम्बिनी,३१ चैत्र ।
नेपाल आदिवासी जनजाति पत्रकार महासंघ (फोनिज)को केन्द्रीय अध्यक्षमा लक्की चौधरी निर्विरोध निर्वाचित भएका छन् ।
अध्यक्षका अर्का उम्मेदवार अमरध्वज लामाले उम्मेदवारी फिर्ता लिएपछि चौधरी अध्यक्षमा निर्विरोध निर्वाचित भएका हुन् ।
गोरखापत्र सञ्चालक समितिको सदस्य तथा गोरखापत्र अनलाईनका सम्पादक चौधरी कैलालीका स्थायी बासिन्दा हुन् ।
काठमाडौँ, ३१ चैत ।
नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १३७ रुपैयाँ ३७ पैसा र बिक्रीदर १३७ रुपैयाँ ९७ पैसा कायम भएको छ ।
युरोपियन युरो एकको खरिददर १५६ रुपैयाँ ०२ पैसा र बिक्रीदर १५६ रुपैयाँ ७१ पैसा, युके पाउन्ड स्ट्रलिङ एकको खरिददर १७९ रुपैयाँ ७८ पैसा र बिक्रीदर १८० रुपैयाँ ५७ पैसा, स्वीस फ्र्याङ्क एकको खरिददर १६८ रुपैयाँ ३८ पैसा र बिक्रीदर १६९ रुपैयाँ ११ पैसा कायम भएको छ ।
अष्ट्रेलियन डलर एकको खरिददर ८५ रुपैयाँ ७१ पैसा र बिक्रीदर ८६ रुपैयाँ ०९ पैसा, क्यानेडियन डलर एकको खरिददर ९८ रुपैयाँ ८० पैसा र बिक्रीदर ९९ रुपैयाँ २३ पैसा, सिङ्गापुर डलर एकको खरिददर १०४ रुपैयाँ ०३ पैसा र बिक्रीदर १०४ रुपैयाँ ४८ पैसा निर्धारण गरिएको छ ।
यस्तै, जापानी येन १० को खरिददर नौ रुपैयाँ ६३ पैसा र बिक्रीदर नौ रुपैयाँ ६७ पैसा, चिनियाँ युआन एकको खरिददर १८ रुपैयाँ ८२ पैसा र बिक्रीदर १८ रुपैयाँ ९० पैसा, साउदी अरेबियन रियाल एकको खरिददर ३६ रुपैयाँ ५९ पैसा र बिक्रीदर ३६ रुपैयाँ ७५ पैसा, कतारी रियाल एकको खरिददर ३७ रुपैयाँ ६८ पैसा र बिक्रीदर ३७ रुपैयाँ ८५ पैसा कायम भएको छ ।
केन्द्रीय बैंकका अनुसार थाई भाट एकको खरिददर चार रुपैयाँ १० पैसा र बिक्रीदर चार रुपैयाँ ११ पैसा, युएई दिराम एकको खरिददर ३७ रुपैयाँ ४० पैसा र बिक्रीदर ३७ रुपैयाँ ५६ पैसा, मलेसियन रिङ्गेट एकको खरिददर ३१ रुपैयाँ ०६ पैसा र बिक्रीदर ३१ रुपैयाँ २० पैसा, साउथ कोरियन वन एक सयको खरिददर नौ रुपैयाँ ६० पैसा र बिक्रीदर नौ रुपैयाँ ६४ पैसा, स्वीडिस क्रोनर एकको खरिददर १४ रुपैयाँ र बिक्रीदर १४ रुपैयाँ ०६ पैसा र डेनिस क्रोनर एकको खरिददर २० रुपैयाँ ८९ पैसा र बिक्रीदर २० रुपैयाँ ९८ पैसा तोकिएको छ ।
राष्ट्र बैङ्कले हङकङ डलर एकको खरिददर १७ रुपैयाँ ७१ पैसा र बिक्रीदर १७ रुपैयाँ ७९ पैसा, कुवेती दिनार एकको खरिददर ४४८ रुपैयाँ ६४ पैसा र बिक्रीदर ४५० रुपैयाँ ६० पैसा, बहराइन दिनार एकको खरिददर ३६४ रुपैयाँ ४२ पैसा र बिक्रीदर ३६६ रुपैयाँ ०१ पैसा, ओमनी रियाल एकको खरिददर ३५६ रुपैयाँ ८२ पैसा र बिक्रीदर ३५८ रुपैयाँ ३८ पैसा रहेको छ । भारतीय रुपैयाँ एक सयको खरिददर १६० रुपैयाँ र बिक्रीदर १६० रुपैयाँ १५ पैसा तोकेको छ ।
राष्ट्र बैंकले यो विनिमयदरलाई आवश्यकतानुसार जुनसुकै समयमा पनि संशोधन गर्न सकिने जनाएको छ । वाणिज्य बैंकले तोक्ने विनिमयदर भने फरक हुनसक्ने र अद्यावधिक विनिमयदर केन्द्रीय बैंकको ‘वेबसाइट’मा उपलब्ध हुने जनाइएको छ ।
काठमाडौं । प्रधानमन्त्री एंव नेकपा एमालेका अध्यक्ष केपी शर्मा ओलीले अब देशमा तोडफोड, आगजनी, हत्या, हिंसा जस्ता कुराहरू स्वीकार गर्न नसकिने बताएका छन्। आज (शनिबार) झापाको दमकमा पार्टीले आयोजना गरेको जागरण सभालाई सम्बोधन गर्दै उनले गत चैत १५ गते काठमाडौंको तीनकुनेमा देखिएको दृश्यको व्याख्या गर्दै यस्तो बताएका हुन् ।
‘जनतालाई भड्काएर आफ्नो दुनो सोझो पार्न खोज्नेहरू, यही मौका पारेर जनताले मिल्काएर रछ्यानमा पुगिसकेको राजतन्त्र फेरि फर्काउँछौं भन्नेहरू, उल्किन कति सकेको रु,’ प्रधानमन्त्री ओलीले भने, ‘दुई चार सडकछाप मान्छेहरूले राजा फर्काउँछौं भन्दा गाडीको हुटमाथि हात हल्लाउँदै हिँडेको सबै दृश्य देख्नुपर्यो । यी तमासाहरू यीनको तरिका के हो रु शैली के हो ?’
शान्तिपूर्ण सभा गर्छौं भन्नेहरू आगजनी र चोरीको काममा लागेको भन्दै यो कस्तो खालको प्रदर्शन हो रु भन्दै प्रश्न गरे । ‘यी कस्ता तत्व हुन् भन्ने गत १५ गते देखियो । चैत १५ गते तीनकुनेमा शान्तिपूर्ण सभा गर्छौं भनेको के को सभा गर्थे,’ प्रधानमन्त्री ओलीले भने, ‘आगजनी गर्दै, अरुका पसल लुट्दै, क्रान्ति गर्ने, खुब ठूला परिवर्तन ल्याउने त रक्सीका बोतल चोरेर भाग्दै गरेका, स्याउ चोरेर भाग्दै गरेका, औषधि कारखाना आगो लगाउँदै गरेका यस्ताले बनाउँछन् देश रु’
यस्ता तत्वले राजा फर्काउने भन्दै हिँडेको उल्लेख गर्दै उक्त प्रदर्शनमा सहभागी भन्दा पशुपतिका बाँदर नै राम्रो भएको जिकिर गरे । ‘राजा फर्काउने अरे, राजा फर्काएपछि ती प्रधानमन्त्री मन्त्री बन्ने अरे,’ ओलीले भने, ‘तिनीहरूलाई भन्दा त पशुपतिका बाँदरलाई मन्त्री बनायो भने अलिकति राम्रो हुन्छ ।’ उनले आफ्नो पार्टीले सरकारको नेतृत्व गर्दा सधैं सकारात्मक काम भएको जिकिर गरे ।
चैत २९, दाङ ।
नेपाल पत्रकार महासंघका निवर्तमान अध्यक्ष विपुल पोख्रेलद्वारा रचित कविता संग्रह ‘बाको अनुहार’ सार्वजनिक गरिएको छ।
शनिबार बिहान दाङको घोराहीमा आयोजित विशेष समारोहकाबीच नेपाली कांग्रेसका महामन्त्री विश्वप्रकाश शर्माले संग्रहको विमोचन गरे।
महामन्त्री शर्माले विपुल पोख्रेलका कविताले देश, समाज र समयको गहिरो चित्रण गरेको बताए ।
शर्माले साहित्य समाजको ऐना भएको चर्चा गर्दै भने, “ पोखरेलका कविता समाजको ऐना हुन् । उनका कवितामा समाज, परिवेश र आममान्छेका समान अनुभूति छन् । कविता पढ्ने जो कोहीलाई लाग्छ, यी मेरा पनि अनुभूति हुन् ।
कविता सङ्ग्रह विमोचन गर्दै महामन्त्री शर्माले साहित्य समाज परिवर्तनको ऐना रहेको भन्दै साहित्य मार्फत मुलुकलाई सही बाटोमा लैजान सकिने बताए।
‘कला साहित्यले मुलुकलाई सही बाटोमा लैजान सक्छ,’ महामन्त्री शर्माले भने ‘समाजमा रहेका नकारात्मक कुराहरूलाई कला र साहित्य मार्फत सच्याउन सकिने भएकाले समाज परिवर्तनका लागि कला साहित्य महत्त्वपूर्ण विधाका रुपमा रहन्छ।’
पोख्रेलको कविता सङ्ग्रह माथि साहित्यकार डा. कृष्णराज डिसी र डा. टिकाराम उदासीले टिप्पणी गरेका थिए।
टिप्पणीकारद्धयले पोख्रेलको कविता सङ्ग्रहको व्याख्या गर्दै साहित्यिक लेखनको यात्रालाई निरन्तरता दिन सुझाव दिए।
साहित्यकार डिसीले पोख्रेलका कविता आफ्ना बाबुको मात्र नभई हरेक पिताको कथाव्यथा बोकेको बताउँदै यसले पाठकको भावनामा गहिरो प्रभाव पार्ने धारणा राखे।
राप्ती साहित्य परिषद्का अध्यक्ष उदासीले पोख्रेलका कविताले समाज र देशको यथार्थ प्रस्तुत गरेको भन्दै संग्रहलाई समय सापेक्ष महत्वपूर्ण कृति भएको बताए ।
पोख्रेलले आफ्नो कविता सङ्ग्रहमा बाबुका बारेमा कविता कोरेका छन् भने छोरा प्रतिको आमाको प्रेम र चिन्तनलाई पनि समेटेका छन्।
शनिबार कविता सङ्ग्रह सार्वजनिक गरेर आफ्नो साहित्यिक यात्रालाई प्रारम्भ गरेका पोख्रेल गीत लेखनको यात्रामा पनि छन्।
नेपाल पत्रकार महासंघका निवर्तमान अध्यक्ष पोखरेल पत्रकारितासंगसंगै साहित्यिक लेखनमा पनि सक्रिय छन् । कला साहित्य आफ्नो औधी रुचीको विषय भएको भन्दै पोख्रेलले भने, कला साहित्य मेरो रुचीको विषय पनि महासङ्घको नेतृत्वमा रहदा केही समय टाढा भएपनि पुनः साहित्य लेखनमा फर्किएको छु ।
महासङ्घको अध्यक्ष कार्यकाल सकिए पश्चात् उनले दुई गीत सार्वजनिक गरिसकेका छन्।
‘बाको अनुहार’ कविता संग्रहमा जम्मा ३० वटा कविता समावेश गरिएका छन्। आदिम केसीले सम्पादन गरेको कविता सङ्ग्रहको प्रकाशन गोरक्ष दैनिकले गरेको हो।
काठमाडौं । हङकङमा जारी चार देशीय टी-२० सिरिजअन्तर्गत घरेलु टोलीसँगको खेल वर्षाको कारण रद्द भएसँगै नेपाल फाइनलमा प्रवेश गरेको छ ।
हङकङले ९ ओभरमा ३ विकेट गुमाएर ६९ रन बनाउँदा वर्षा भएपछि खेल रोकिएको थियो । वर्षा नरोकिएपछि दुवै टोलीले एकएक अंक बाँडेका हुन् ।
नेपालले ३ खेलबाट ५ अंक जोड्दै फाइनल यात्रा तय गर्यो । यस्तै ३ खेलबाट ४ अंक जोड्दै कुवेतले पनि फाइनलमा स्थान सुरक्षित गर्यो । ३ खेलबाट ३ अंक जोडेको घरेलु टोली हङकङ फाइनलमा दौडबाट बाहिरियो ।
काठमाण्डौ, ३० चैत्र ।
नेपाल भारत मैत्री संघको केन्द्रीय उपाध्यक्षमा हरीशंकर ठाकुर निर्विरोध निर्वाचित भएका छन् ।
नेपाल भारत मैत्री संघको काठमाण्डौंमा जारी नवौ अधिबेशनको मतदान प्रकृया अघि नै उपाध्यक्ष पदका अर्का उम्मेदवार बासुदेव ऐतवालले मनोनयन फिर्ता लिएपछि ठाकुर निर्विरोध निर्वाचित भएका हुन् ।
त्यस्तै संघको केन्द्रीय सदस्य पदमा राजिव गुप्ता,प्रदीप बैद्य र सन्तोषी ऐरी पनि केन्द्रीय सदस्य पदमा निर्विरोध निर्वाचित भएका छन् ।
धनगढी, ३० चैत । धनगढी रंगशालामा सञ्चालित प्रथम सुदूरपश्चिम प्रदेश कराते प्रतियोगिता २०८१ को शुक्रवार सम्पन्न भएको छ ।
प्रतियोगितामा २५ स्वर्णपदक प्राप्त गर्दै कैलाली जिल्लाले प्रथम स्थान हासिल गरेको छ । १८ स्वर्णका साथ कञ्चनपुर जिल्ला द्वितीय भयो । ३ स्वर्ण सहित अछाम जिल्लाले तृतीय स्थान हासिल गर्यो ।
सुदूरपश्चिम प्रदेश सरकारका पुर्व भौतिक पूर्वाधार विकास मन्त्री तथा सुदूरपश्चिम प्रदेश सभा सदस्य प्रकाश बहादुर देउबाले बिजयी खेलाडीहरुलाई पदक तथा प्रमाणपत्र वितरण गरे ।
प्रमुख अतिथि पूर्व मन्त्री देउवाले खेलकुदमा भौतिक पूर्वाधार समस्या रहेको बताउदै सुदूरपश्चिमको खेलकुदको विकासका लागि आफूले सक्दो सहयोग गर्ने प्रतिबद्धता गरे ।
उनले खेलले व्यक्तिलाई स्वस्थ र अनुशासित बनाउने चर्चा गर्दै देशलाई चिनाउन पनि खेलकुदले महत्वपूर्ण योगदान पुर्याईरहेको बताए ।
समारोहमा सुदूरपश्चिम प्रदेश नीति तथा योजना आयोगका सदस्य निर्प सुनार, कैलाली जिल्लाका प्रमुख जिल्ला अधिकारी गोगन बहादुर हमाल, कैलाली जिल्ला खेलकुद समितिका अध्यक्ष ललित खत्री लगायत सुरक्षा निकायका प्रमुखहरु र बिभिन्न खेल संघसंस्थाका पदाधिकारीहरु, प्रशिक्षकहरु, सरकारी कर्मचारी, पत्रकारहरुको उपस्थिति रहेको थियो ।
कार्यक्रममा पुर्व तेक्वान्दो खेलाडी, प्रशिक्षक तथा पत्रकार दीपक उपाध्यायलाई सामाजिक कार्यमा उत्कृष्ट सेवाकार्य गरे वापत नगद सहित सम्मान गरिएको थियो ।
सुदूरपश्चिम प्रदेश सरकारद्वारा “स्वास्थ्य दुत” पदमा नियुक्त हुनुभएका उपाध्यायले हालसम्म १०८ पटक रक्तदान गरिसक्नु भएको छ ।
त्यस्तै अन्तर्राष्ट्रिय कराते खेलाडी पुष्पा मडैलाई पनि सम्मानित गरिएको थियो । हाल जापानमा रहेकी पुष्पाको कदर पत्र उनका बुवालाई हस्तान्तरण गरिएको थियो ।
प्रतियोगिता सञ्चालनका लागि संस्थागत रुपमा सहयोग गर्ने कैलाली जिल्ला खेलकुद समिति, कैलाली उद्योग बाणिज्य संघ, ठाकुर ग्रुप, अमेरिकामा रहेका पूर्व अन्तर्राष्ट्रिय खेलाडीहरु मकेन्द्र बहादुर सिंह, जनक सिंह खड्का, परमेश्वर चौधरी र कैलाली जिल्ला कराते संघका संस्थापक अध्यक्ष समेत रहेका कर्ण बहादुर चन्द, अन्तर्राष्ट्रिय कराते खेलाडी स्वर्गीय परशुराम चौधरीको परिवारजन तथा अन्तर्राष्ट्रिय कराते खेलाडी अशोक शाह लगायतलाई संघका प्रदेश अध्यक्ष त्रैलोक्यनाथ धन्यवाद दिए ।
सुदूरपश्चिम प्रदेश कराते महासंघको आयोजनामा धनगढीमा आयोजित यस प्रतियोगितामा सुदूरपश्चिम प्रदेश भरका करिब ७०० खेलाडी, ५० रेफ्री तथा प्रशिक्षक र व्यवस्थापक गरि ८०० भन्दा बढी करातेकर्मीहरुको सहभागिता रहेको थियो ।
२७ चैत्रमा शुरु भएको प्रतियोगिताको मुख्यमन्त्री कमल बहादुर शाहले उद्घाटन गरेका थिए । उद्घाटन समारोहमा प्रतिनिधिसभा सदस्य माननीय डिल्लीराज पन्त र नेपाल कराते महासंघका संस्थापक अध्यक्ष तथा नेपाल ओलम्पिक कमिटिका उपाध्यक्ष दावा गुरुङ पनि विशिष्ट अतिथिका रुपमा उपस्थित रहेका थिए ।
Processing…x
काठमाडौं –
नेपाल पर्यटन बोर्डका प्रमुख कार्यकारी अधिकृत (सीईओ) दीपकराज जोशीले ‘ग्रिन इकोनोमी’का लागि पर्यटन क्षेत्रको ठूलो योगदान रहेको बताएका छन् ।
नेपाल वातावरण पत्रकार समूहले आयोजना गरेको ‘पर्यटन क्षेत्रमा वातावरण प्रदुषणको असर’ शीर्षकको अन्तर्क्रिया कार्यक्रममा बोल्दै वातावरण प्रदुषणका कारण नेपालको सुन्दर छविलाई छोप्नसक्ने जोखिम रहेको बताएका हुन् ।
“पछिल्लो वर्षहरुमा नेपालमा जलवायु परिवर्तनका असरहरू बढ्न थालेका छन् । यसले वायु प्रदुषण हरेक वर्ष बढिरहेको छ । जसले पर्यटन क्षेत्रले नोक्सानी व्यहोर्नुपर्ने स्थिति सिर्जना भएको छ,उनले भने, अन्य निर्माण तथा उद्योगहरुले वायु प्रदुषणका लागि योगदान गरिरहेका छन् । तर, पर्यटन उद्योग मात्र यस्तो हो, जसले ग्रिन इकोनमीका लागि योगदान गरिरहेको छ ।’
नेपालमा जलवायु परिवर्तनका लागि न्युन योगदान भए पनि बढी नोक्सानीको सामना गर्नुपरेको सीईओ जोशीले बताएका छन् । उनले थपे, “अहिले विश्वमा नेपाल प्राकृतिक सुन्दरताको मुलुकको छवि बनाएको छ । तर, पछिल्ला वर्षहरूमा नेपाल बढेको वायु प्रदूषणका कारण सुन्दर मुलुकको छवि छोपिदिएको छ ।”
सीईओ जोशीले सरकारले पनि पर्यटन क्षेत्रलाई उच्च प्राथमिकतामा राख्नुपर्ने बताएका छन् ।
“नेपालको जीडीपीमा बढी योगदान गरिरहेको पर्यटन क्षेत्रले १० लाखभन्दा बढी मानिसलाई प्रत्यक्ष-अप्रत्यक्ष रोजगार दिएको छ,उनले भने, त्यसकारण सरकारले पर्यटन क्षेत्रबाट अझै लाभ लिनका लागि जलवायु परिवर्तनका जोखिम गराउने, वातावरण प्रदुषणलगायतका पर्यटनलाई असर गर्ने गतिविधि कम गर्दै लैजाने र नीतिगत सुधारतर्फ केन्द्रित हुनुपर्ने देखिन्छ ।”
कार्यक्रममा पर्यटन, वातावरण क्षेत्रका विज्ञ, पत्रकार तथा सरोकारवाला निकायको सहभागिता रहेको थियो ।
कैलालीः सरकारी पक्षको चरम बेवास्ता र ढिलासुस्तीका कारण कैलालीको गेटा मेडिकल कलेज सञ्चालनमा नआउँदै अन्योलग्रस्त बन्न पुगेको छ। मेडिकल कलेज सञ्चालनमा नआउँदै तीन जना प्रमुख फेरिएका छन् भने करार र ज्यालादारीमा भर्ना गरिएका ६३ जना कर्मचारी गत पुसदेखि करार अवधि थप नहुँदा बिनापारिश्रमिक नै काम गरिरहेका छन्।
अस्थायी कर्मचारीको दरबन्दी स्वीकृत नभएकाले सेवा विस्तारमा समस्या भएको बताइएको छ। मेडिकल कलेजका लागि आवश्यक पर्ने भौतिक संरचना निर्माणको काम भने छ अर्ब ५८ करोड रुपियाँ खर्चेर पूरा भइसकेको छ तर सरकारले यसको सञ्चालन निर्देशिका स्पष्ट नगर्दा कहिले हुन्छ भन्ने अझै टुङ्गो लागेको छैन। सरकारले २०७३ सालमा गेटा मेडिकल कलेज सञ्चालन गर्ने भनेर सुरु गरेको अस्पतालको भौतिक संरचना ५१ हेक्टर क्षेत्रफलमा फैलिएको र कलेजका लागि आवश्यक पर्ने ४२ वटा संरचना तयारी अवस्थामा छन्।
राजनीतिक दाउपेचका कारण यो अस्पताल सुरु भएयता तीन जना प्रमुख फेरिसकिएका छन्। गत फागुनयता प्रमुख नहुँदा करार र ज्यालादारीमा काम गरिरहेका ६३ जना कर्मचारीको नियुक्ति थप नहुँदा तलब खानबाट वञ्चित भएको सूचना अधिकारी नैनसिंह कार्कीले बताए। कलेज प्रशासन र अस्पताल भवन स्वास्थ्य मन्त्रालय मातहत सञ्चालन गरिएको गेटा अस्पताललाई हस्तान्तरण गरिए पनि बाँकी संरचना अहिले पनि शिक्षा, विज्ञान तथा प्रविधि मन्त्रालय मातहत रहेको छ। यसलाई पूर्वाधार विकास निर्माण समितिले रेखदेख गरिरहेको छ।
केही दिनअघि मात्र कैलाली पुगेका प्रधानमन्त्री केपी शर्मा ओलीले यसै वर्षभित्र सञ्चालन हुने गरेर प्रव्रिmया अघि बढेको बताए। मेडिकल कलेज सञ्चालन गर्ने भनेर तयार भएका संरचनालाई सहिद दशरथ चन्द स्वास्थ्य विज्ञान विश्वविद्यालय बनाउन भनेर तयार पारिएको विधेयक राष्ट्रिय सभाबाट पारित भएर अहिले प्रतिनिधि सभामा विचाराधीन अवस्थामा रहेको छ।
काठमाण्डौ : हङकङमा भइरहेको चारदेशीय टी–२० शृङ्खलाअन्तर्गत लिग चरणको अन्तिम खेलमा आज नेपाल र घरेलु टोली हङकङ खेल्दै छन् ।
हङकङको टिन क्वाङ रोड रिक्रिएशन ग्राउण्डमा टस जितेर नेपालले पहिले बलिङ रोजेको छ । प्रतियोगितामा लगातार दुई खेल जित्दै अपराजित यात्रा कायमै राखेको नेपालले फाइनलमा पुग्नको लागि हङकङसँग प्रतिस्पर्धा गर्न लागेको हो ।
हङकङ, नेपाल, कतार र कुवेत सहभागी यस प्रतियोगितामा नेपालको ४ अङ्क छ । यसअघि आज बिहान भएको खेलमा कुवेतले कतारलाई हराएर नेपालसँग अङ्क बराबर गरेको छ ।
लिग चरणको खेलपछि शीर्ष दुई टोलीबीच भोलि फाइनल खेल हुनेछ । दोस्रो र तेस्रो स्थानको लागि पनि भोलि नै खेल हुनेछ ।
काठमाडौँ । नेपाली कांग्रेसका सांसद जीवन परियारले तीनकुनेमा भएको हिंसात्मक घटनाबारे सोधपुछ गर्न पूर्वराजा ज्ञानेन्द्र शाहलाई संसदीय समितिमा बोलाउन प्रस्ताव गरेका छन् । शुक्रबार सिंहदरबारमा बसेको कानून, न्याय तथा मानव अधिकार समितिको बैठकमा बोल्दै सांसद परियारले यस्तो प्रस्ताव राखेका हुन्।
पूर्वराजा शाहलाई समितिमा बोलाएर तीनकुनेमा भएको हिंसात्मक घटनामा संलग्नता भएरनभएकोबारे सोध्नुपर्ने उनको भनाइ छ । उनले गत फागुन २५ गते पूर्वराजा शाह पोखराबाट फर्किने क्रममा नागरिकले गरेको स्वागतसमेत आवश्यक नरहेको उनको टिप्पणी छ । उनले तीनकुने घटनाबारे पूर्वराजा शाहलाई ‘तपाईं एउटा नागरिकको हैसियतले यस्तो घटना गर्न पाउनुहुन्छ रु’ भन्दै प्रश्न गर्नुपर्ने बताए ।
उनले भने, ‘कानून, न्याय तथा मानव अधिकार समितिमा मानव अधिकार उल्लङ्घनका विषयमा छलफल गरिरहेका छौँ भने अहिले आम नागरिकको रूपमा रहेका पूर्वराजा ज्ञानेन्द्रलाई गत फागुन २५ गते पोखराबाट फर्किने क्रममा जुन स्वागत गरे जनताले त्यो आवश्यक थियो कि थिएन रु र १५ गतेको घटनामा उन संलग्न हुनुहुन्छ कि हुनुहुन्न रु भन्नेबारेमा विभिन्न विचारहरू आउन थालेका छन् । सभापतिज्यू यो विषयमा कुरा गर्न पूर्वराजा ज्ञानेन्द्र शाहलाई यो समितिमा बोलाऊँ । यो समितिमा बोलाएर हामीले सोधौँ । यो मानव अधिकार उल्लङ्घनको घटना हो कि होइन रु तपाईँले गरेको हो कि होइन रु तपाईं एउटा नागरिकको हैसियतले यस्तो घटना गर्न पाउनुहुन्छ रु यसका बारेमा छलफल गर्न आवश्यक छ ।’
काठमाडौं, चैत २९ गते । मेडिकल व्यवसायी दुर्गा प्रसाईंलाई १२ दिन हिरासतमा राखेर अनुसन्धान गर्न काठमाडौं जिल्ला अदालतले अनुमति दिएको छ ।
जिल्ला प्रहरी परिसार काठमाडौंका प्रहरी उपरीक्षक एवम् सूचना अधिकारी अपीलराज बोहराले प्रसाईंलाई १२ दिन हिरासत राखेर अनुसन्धान गर्न अदालतले अनुमति दिएको जानकारी दिए । प्रसाईंसँगै पक्राउ परेका उनका बडिगार्ड दीपक खड्कालाई पनि १२ दिन नै हिरासतमा राखेर अनुसन्धान गर्न अदालतले म्याद दिएको छ ।
प्रहरीले दुवैलाई कम्तीमा १२ दिन हिरासतमा राखेर अनुसन्धान गर्नका लागि माग गरेको थियो । सोही अनुसार अलदालतले म्याद थपको अनुमति दिएको हो । तीनकुने घटनामा फरार रहेका प्रसाई र खड्कालाई आज झापाको भद्रपुरबाट नियन्त्रणमा लिई काठमाडौं ल्याइ जिल्ला प्रहरी परिसर काठमाडौं ल्याइएको थियो ।
धनगढी । स्वतन्त्र विद्यार्थी युनियनको बुधबार भएको निर्वाचनमा कैलाली बहुमुखी क्याम्पसको अध्यक्षमा नेविसंघ विजय भएको छ । नेविसंघका उम्मेदवार सन्तोष पन्त ८ सय २७ मत ल्याउँदै विजयी भएका हुन् ।
निर्वाचन अधिकृत तर्कराज भट्टका अनुसार अध्यक्षमा अखिल क्रान्तिकारीका पवन सुनारले ५ सय २८ मत प्राप्त गर्दा अनेरास्ववियुका यमराज जोशीले ४२७ मत प्राप्त गरे । यस्तै विद्यार्थी एकता समूहकी उम्मदवार अम्बिका चौधरीले ९२ मत प्राप्त गरिन् भने अनेरास्ववियूका सुनिलराज जोशीले ६८मत प्राप्त गरेका छन्।
सचिवमा नेविसंघकै ओमप्रकाश बस्ती ६ सय ९७ मत ल्याउँदै विजयी भएका छन् । उनका निकटतम प्रतद्वन्द्वी अनेरास्ववियुका किरणप्रसाद उपाध्यायले ४ सय ९८ मत ल्याएका छन् । कोषाध्यक्ष पदमा भने नेविसंघकी प्रमिला शाहलाई ४ मतले पराजित गर्दै अखिल क्रान्तिकारीका धर्मराज तिमिल्सेना विजयी भएका छन् । तिमिल्सेनाले ४ सय ८ मत ल्याउँदा शाहले ४ सय ४ मत पाएकी छन् ।
सदस्यमा नेविसंघका राम रोकाया, सरिता भट्ट, पूजन विष्ट,जनक खड्का, देवेन्द्र धामी, बिनिता चौधरी, रामबहादुर बोगटी, पूजा ओड र गणेश दाहाल विजयी भएका छन्।
क्याम्पसमा कूल ३ हजार ५ सय ९२ जना मतदाता रहेकोमा २ हजार ५७ मत खसेको थियो । जसमध्ये ७२ मत बदर भएको थियो । स्ववियू निर्वाचनमा कैलाली बहुमुखी क्याम्पस सुदूरपश्चिमको सबैभन्दा बढी मतदाता भएको क्याम्पस हो।
बैतडी । बैतडीमा पहिलो पटक आर्टिफिसियल इन्टेलिजेन्स (एआई) को प्रयोग क्षयरोग जाँच सुरु भएको छ । एआईले सुर्नया गाउँपालिकामा चार जना, पुर्चौडी नगरपालिकामा तीन जना र बैतडी कारागारका दुई जना बन्दी गरि नौ जना क्षयरोगी पत्ता लगाएको छ ।
थपिएका नयाँ बिरामीसँगै बैतडीमा १०७ जना क्षयरोगी उपचारको दायरामा आएका छन् । क्षयरोग पत्ता लगाउन स्वास्थ्यकर्मीको टोली आर्टिफिसियल इन्टेलिजेन्स (एआई) बोकेर पुर्चौडी नगरपालिका र सुर्नया गाउँपालिकामा खटिएको स्वास्थ्य कार्यालय बैतडीका सूचना अधिकारी विपीन लेखकले बताए ।
उनले भने, “आर्टिफिसियल इन्टेलिजेन्स (एआई) भनेको डिजिटल कम्प्युटर रोबर्ट हो । यसले मानिसको एक्स–रे गरेर सम्भावित क्षयरोग पत्ता लगाउँछ । एआईले एक्स–रेबाटै सम्भावित बिरामीको पहिचान गर्छ । सुदूरपश्चिम प्रदेशमा यस्तो एआई उपकरण प्रदेश स्वास्थ्य निर्देशनलायमा मात्रै छ ।”
एआईले पत्ता लगाएका सम्भावित क्षयरोगीको दोश्रो चरणमा खकार परीक्षण गरेर बिरामीको निःशुल्क उपचार सुरु भएको उनले बताए । क्षयरोगीको खोजपड्तालका लागि एआईको प्रयोग गर्न दक्ष जनशक्तिसहित स्वास्थ्यकर्मीको टोली बैतडी र बझाङका गाउँमा घुमिरहेको प्रदेश स्वास्थ्य निर्देशनायका क्षयकुष्ठरोग अधिकृत मनोज ओझाले बताए । उनले यही चैत २४ गतेदेखि बैतडी र बझाङमा क्षयरोग खोजपड्ताल भइरहेको बताए ।
बझाङमा पनि क्षयरोगका बिरामी नियमित उपचारमा भएकाले थप रोगीको पहिचान गर्न स्वास्थ्यकर्मीको टोली बझाङको थलारा पुगेको उनले बताए । बझाङमा १०५ जना क्षयरोगी नियमित उपचारमा रहेका छन् । क्षयरोगको औषधी नियमित सेवन गरे निको हुने बताइएको छ । यद्यपि स्वास्थ्य कार्यालय बैतडीको तथ्याङ्क अनुसार गत वर्ष क्षयरोगका कारण ११ जना र चालु आर्थिक वर्षमा दुई जना गरि १३ जनाको मृत्यु भएको छ ।
नेपाल सरकारले सन् २०३५ सम्ममा क्षयरोग नियन्त्रण र सन् २०५० सम्म क्षयरोग उन्मूलन गर्ने लक्ष्य लिएको स्वास्थ्य कार्यालय बैतडीका प्रमख तिर्थराज भट्टले बताए । क्षयरोग पत्ता लगाउन स्वास्थ्यकर्मीको टोली गाउँमा परिचालन भए सबै मौसमी रोजगारीका लागि भारत गएका मानिस खोजपड्तालको दायरामा आउन नसकेको उनले बताए ।
उनले भने, “लक्षण देखिएका बिरामी आफै पनि स्वास्थ्य संस्थामा आउन अपिल गरेका छौं । दुई हप्तासम्म लगातार खोकी लाग्नु, छाती दुखेर स्वाश फेर्न गाह्रो हुनु, तौल घट्नु वा थकाइ लाग्नु, रगतसहित वा रहित खकार खोक्नु, साँझ पख हल्का ज्वरो र पसिना आउनु जस्ता लक्षणदेखिएमा क्षयरोग हुन् ।” एक जना क्षयरोगीले घरपरिवार र समुदायलाई सङ्क्रमित बनाउन सक्ने भएकाले रोगी पत्ता लगाउन ठुलो उपलब्धि मानिने उनले बताए ।
काठमाडौं । मेडकिल व्यवसायी दुर्गा प्रसाईंलाई बुद्ध एयरको विमानबाट भद्रपुरबाट काठमाडौँ लगिएको छ।
केहीबेर अघिको उडानबाट काठमाडौँ लगिएको प्रहरीले जनाएको छ। उनलाई हतकडी लगाएर विमानमा प्रवेश गराइएको थियो।
उनलाई भारतीय प्रहरीले नियन्त्रणमा लिएर शुक्रबार बिहान नेपाल प्रहरीलाई जिम्मा लगाएको थियो। काँकरभिट्टा हुँदै उनलाई भद्रपुर लगेर बुद्ध एयरको विमानबाट काठमाडौँ लगिएको हो।
गत चैत १५ गते काठमाडौँ तीनकुने घटनापछि उनी फरार थिए। उनी पक्राउ परेको शुक्रबार बिहान मात्र प्रहरीले औपचारिक जानकारी दिएको हो।
चैत १५ गते तीनकुने घटनापछि फरार रहेका उनको खोजी कार्य नेपाल प्रहरीले गरिरहँदा उनले भने बिहीबार भारतको आसाम राज्यको प्रहरीसमक्ष आत्मसमर्पण गरेका थिए।
खबर अनुसार उनी गुवाहाटीमा ५ जनासँगै एक होटलमा बसेका थिए। त्यति नै बेलामा यो कुरा आसामका डिजी (प्रहरी महानिर्देशक)लाई थाहा भयो। त्यसलगत्तै उनले उनको आत्मसमर्पण सम्बन्धी निर्देशन दिएका थिए।
कैलाली । सुदूरपश्चिम विश्वविद्यालयको आङ्गिक क्याम्पस टीकापुर बहुमुखी क्याम्पस र कृषि विज्ञान सङ्काय स्कुल अफ एग्रिकल्चरको संयुक्त स्वतन्त्र विद्यार्थी युनियनको निर्वाचनमा नेपाल विद्यार्थी सङ्घको प्यानल नै विजयी भएको छ ।
चैत २७ गते भएको निर्वाचनको २८ गते साँझ सार्वजनिक मत परिणाम अनुसार नेवि सङ्घका अध्यक्षका उम्मेदवार किरण साउँद ६५२ मत पाइ विजयी हुनु भएको छ । उनका प्रतिस्पर्धी अनेरास्ववियुका गोविन्दप्रसाद भण्डारीले ५४७ मत पाएका छन् । स्वतन्त्र उम्मेदवार देवा शिषजंग थापाले ४२ मत पाइका छन् छ । निर्वाचनमा कूल एक हजार २५४ मत खसेको थियो ।
यसै गरी सचिवमा नेवि सङ्घकै उम्मेदवार छविलाल चौधरी ६१९ मत, कोषाध्यक्षमा डिम्पल चौधरी ६६६ मत पाइ विजयी हुनु भएको निर्वाचन अधिकृत आत्माराम अधिकारीले जानकारी दिनुभएको छ । सदस्यमा नेवि संघकै समीक्षा शाही, कुशल जैसी, शिशिर तिरुवा, आस्मा चौधरी, इशान लम्साल, मनोज धामी, अनुषा कुमारी चौधरी, शिशिर रावल विजयी भएका छन्।
समानुपातिक तर्फ नेवि सङ्घले ६८२ मत, अनेरास्ववियुले ३१३ मत, नागरिक विद्यार्थी समाजले १२७ मत र अखिल क्रान्तिकारीले ११४ मत पाएको छ । निर्वाचनमा नेवि सङ्घ एक्लै र अनेरास्ववियु, अखिल क्रान्तिकारी, नागरिक विद्यार्थी समाज, अखिल समाजवादी संयुक्त प्यानल बनाएर निर्वाचनमा भाग लिएका थिए । यस अघिको निर्वाचनमा पनि नेवि सङ्घ नै विजयी भएको थियो ।
एजेन्सी । अमेरिकाको न्यूयोर्क शहरको हडसन नदीमा बिहीबार हेलिकप्टर दुर्घटनाग्रस्त भएको छ। यस दुर्घटनामा हेलिकप्टरमा सवार सबै ६ जना यात्रुको मृत्यु भयो।
अधिकारीहरूले हेलिकप्टरमा पर्यटकहरूको एक परिवार रहेको बताएका छन्। मृत्यु हुनेमा तीन बालबालिका पनि छन्। न्युयोर्क शहरका मेयर एरिक एडम्सले बिहीबार पत्रकारहरूलाई बताएअनुसार परिवारका पाँच जना स्पेनका थिए भने छैटौं व्यक्ति पाइलट थिए।
न्यूयोर्क प्रहरी आयुक्त जेसिका टिस्चले दुर्घटनाको कारण अनुसन्धान भइरहेको बताइन्। मृतकका परिवारलाई सूचित नगरिएसम्म पीडितहरूको पहिचान खुलासा गरिने छैन।
यस दुर्घटनाको भिडियो फुटेजमा हेलिकप्टर आकाशबाट उल्टो खसेर हडसन नदीमा ठोक्किएको देखिन्छ। हेलिकप्टरले डाउनटाउन स्काईपोर्टबाट उडान भरेको थियो।
धनगढी, २८ चैत्र ।
कैलाली बहुमुखी क्याम्पसमा मध्यराति रोकिएको स्वतन्त्र विद्यार्थी युनियनको निर्वाचनको मत गणना आज बिहान शुरु भएको छ ।
एक हजार एक सय ५४ मत गणना हुदा नेपाली विद्यार्थी संघले फराकिलो अन्तर बनाएको छ । दोब्बर बढि मतले नेविसंघका सभापतिका उम्मेदवार सन्तोष पन्तले अग्रता कायम गरेका छन् ।
नेविसंघका सभापतिका उम्मेदवार सन्तोष पन्तले चार सय ८५ मत ल्याएका छन् ।
हाल स्ववियु सभापति रहेका अनेरास्ववियुका उम्मेदवार यमराज जोशीलाई अखिल क्रान्तिकारी पवन सुनारले उछिनेका छन् ।
अखिल क्रान्तिकारीका सुनारले दुई सय ९१ मत ल्याएका छन् भने अनेरास्ववियुका जोशीले दुई सय ४७ मत ल्याएका छन् । नेविसंघकी बागी उम्मेदवार अम्विका चौधरीले ५५ मत ल्याएकी छन् । समाजवादी निकट अनेरास्ववियुका सुनिल राज जोशीले ३४ मत ल्याएका छन् । अन्य पदाधिकारी र पदमा पनि नेविसंघले अन्तर बढाएको छ ।
सचिवमा पनि नेविसंघले अग्रता कायम राखेको छ । नेविसंघका उम्मेदवार ओम प्रकाश वस्तीले चार सय मत पाउदा अनेरास्ववियुका किरण प्रकाश उपाध्यायले दुई सय ७३ मत ल्याएका छन् ।
अखिल क्रान्तिकारीका लोकेन्द्र चौधरीले दुई सय ६१, समाजवादी अनेरास्ववियुका खगेन्द्र प्रसाद अवस्थीले ५९, प्राज्ञिक विद्यार्थी परिषदका लवदेव धामीले ४१ र स्वतन्त्र उम्मेदवार किशोर जोशीले ३६ मत ल्याएका छन् ।
कोषाध्यक्षमा पनि तीन सय ४४ मत सहित नेविसंघकी प्रमिला शाहले अग्रता कायम राखेकी छन् । कोषाध्यक्षमा पनि अखिल क्रान्तिकारीले अनेरास्ववियुलाइ उछिनेको छ । अखिल क्रान्तिकारीका धर्मराज तिमिल्सिना तीन सय ३४, अनेरास्ववियुका प्रकाश भट्टले दुई सय ७२,समाजवादी निकट अनेरास्ववियुकी अंगीता चौधरीले एक सय दुई र विद्यार्थी एकता समूहका खेमराज भट्टराईले २१ मत पाएका छन् ।
नेविसंघले मतान्तर बढाएपछि मध्यराति नेविसंघ बाहेकका अन्य संगठनहरुले मत गणना बहिस्कार गरेका थिए ।
राति रोकिएको मत गणना आज बिहान शुरु भएको हो ।
धनगढी, २८ चैत्र ।
कैलाली बहुमुखी क्याम्पसमा मध्यराति रोकिएको स्वतन्त्र विद्यार्थी युनियनको निर्वाचनको मत गणना आज बिहान शुरु भएको छ ।
एक हजार मत गणना हुदा नेपाली विद्यार्थी संघले फराकिलो अन्तर बनाएको छ । दोब्बर बढि मतले नेविसंघका सभापतिका उम्मेदवार सन्तोष पन्तले अग्रता कायम गरेका छन् ।
नेविसंघका सभापतिका उम्मेदवार सन्तोष पन्तले चार सय ३४ मत ल्याएका छन् ।
हाल स्ववियु सभापति रहेका अनेरास्ववियुका उम्मेदवार यमराज जोशीलाई अखिल क्रान्तिकारी पवन सुनारले उछिनेका छन् ।
अखिल क्रान्तिकारीका सुनारले दुई सय ४५ मत ल्याएका छन् भने अनेरास्ववियुका जोशीले दुई सय पाँच मत ल्याएका छन् ।
नेविसंघकी बागी उम्मेदवार अम्विका चौधरीले ४७ मत ल्याएकी छन् । समाजवादी निकट अनेरास्ववियुका सुनिल राज जोशीले ३० मत ल्याएका छन् । अन्य पदाधिकारी र पदमा पनि नेविसंघले अन्तर बढाएको छ ।
नेविसंघले मतान्तर बढाएपछि मध्यराति नेविसंघ बाहेकका अन्य संगठनहरुले मत गणना बहिस्कार गरेका थिए ।
राति रोकिएको मत गणना आज बिहान शुरु भएको हो ।
काठमाण्डौं, २८ चैत्र ।
दुई जनाको ज्यान लिएको तीनकुनेको राजावादीको हिंसात्मक आन्दोलनपछि फरार भएका दुर्गा प्रसाई भारतको आसाममा पक्राउ परेको समाचार गलत भएको प्रहरीले जनाएको छ ।
नेपाल प्रहरीका केन्द्रीय प्रहरी प्रवक्ता प्रहरी नायव महानिरीक्षक दिनेश कुमार आचार्यले बिहीवार अवेर राति जारी गरेको बिज्ञप्तिमा प्रहरीले खोजी गरिरहेका प्रसाई पक्राउ नपरेको जनाईको छ ।
प्रसाईको नेतृत्वमा १५ चैतमा काठमाडौंको तीनकुनेमा भएको राजवादी आन्दोलन हिंसात्मक हुदा दुई जनाको मृत्यु भएको थियो । आन्दोलनकारीले भाटभटेनीमा लुटपाट गर्नुका साथै तिनकुनेका केही घरमा आगजनी गरेका थिए । प्रसाईलाई उक्त घट्नाको जिम्मेवार मानिएको छ । आन्दोलन बिथोलिएकै साँझ फरार प्रसाई प्रहरीको खोजीमा थिए ।
उक्त घटनामा संलग्न भएको आरोपमा प्रहरीले राप्रपाका नेताहरु धवलशमशेर राणा, रबिन्द्र मिश्र लगायतलाई थुनामा राखी अनुसन्धान गरिरहेको छ ।
धनगढी, २८ चैत्र ।
कैलाली बहुमुखी क्याम्पसमा सम्पन्न स्वतन्त्र विद्यार्थी युनियनको निर्वाचनको जारी मतगणनामा नेपाल विद्यार्थी संघले अग्रता कायमै राखेको छ ।
शुरुदेखि नै अग्रता कायम राखेको नेविसंघले पाँच सयको मत गणनामा मतान्तर बढाएको छ ।
पाँच सय मत गणना हुदा नेविसंघका सभापतिका उम्मेदवार सन्तोष पन्तले दुई सय २३ मत ल्याएका छन् ।
हाल स्ववियु सभापति रहेका अनेरास्ववियुका उम्मेदवार यमराज जोशीले एक सय चार मत ल्याएका छन् ।
अखिल क्रान्तिकारीका पवन सुनारले एक सय छ मत ल्याएका छन् भने विद्यार्थी एकता समूहका अम्विका चौधरीले २७ र अनेरास्ववियुका सुनिल राज जोशीले १५ मत ल्याएका छन् ।
सचिवमा पनि नेविसंघले अग्रता कायम राखेको छ । नेविसंघका उम्मेदवार ओम प्रकाश वस्तीले एक सय ७६ मत पाउदा अनेरास्ववियुका किरण प्रकाश उपाध्यायले एक सय १५ मत ल्याएका छन् ।
अखिल क्रान्तिकारीका लोकेन्द्र चौधरीले एक सय चार मत, अनेरास्ववियुकाखगेन्द्र प्रसाद अवस्थीले ३२, प्राज्ञिक विद्यार्थी परिषदका लवदेव धामीले १८ मत र स्वतन्त्र उम्मेदवार किशोर जोशीले २१ मत ल्याएका छन् ।
कोषाध्यक्षमा पनि एक सय ६३ मत सहित नेविसंघकी प्रमिला शाहले अग्रता कायम राखेकी छन् । अनेरास्ववियुका प्रकाश भट्टले एक सय २७, अखिल क्रान्तिकारीका धर्मराज तिमिल्सिना एक सय २१, अनेरास्ववियुकी अंगीता चौधरीले ४३ र विद्यार्थी एकता समूहका खेमराज भट्टराईले १० मत पाएका छन् ।
धनगढी, चैत २८ गते । सुदूरपश्चिम प्रदेश सरकारले आयोजना गर्ने लगानी तथा विकास सम्मेलनको तयारीका लागि सबै समितिले कार्यतालिका बनाइ आ–आफ्नो कार्य सम्पादन गर्ने निर्णय गरिएको छ।
मुख्यमन्त्री तथा मन्त्रीपरिषद् कार्यालयको आयोजनामा आज बसेको मूल आयोजक समितिको बैठकले सबै समितिले कार्यतालिका बनाइ आ–आफ्नो कार्य सम्पादन गर्ने निर्णय गरेको हो । बैठकले संघ र प्रदेशका मन्त्रालय, निकायहरु तथा स्थानीय तहहरुसंगको समन्वय र सहयोगमा थप गृहकार्य र सम्मेलन तयारीका सबै कार्यहरु कार्यकारी समितिले गर्ने निर्णय गरेको छ ।
यसैगरी, राष्ट्रिय र अन्तर्राष्ट्रिय स्तरका विकास साझेदार, लगानीकर्ता, स्थानीय उद्योगी व्यवसायीको व्यापक परामर्श र सहभागिता सुनिश्चित गरी सुदूरपश्चिम प्रदेश लगानी तथा विकास पूर्व सम्मेलन बैठक आयोजना गर्ने निर्णय गरेको छ । उक्त पूर्व सम्मेलन बैठकलाई सबै तहका सरकारका सम्बन्धित निकायहरुको समन्वयमा भव्य रुपमा सफल बनाउने निर्णय गरेको छ । साथै पूर्व सम्मेलन बैठकलाई परियोजना पहिचान, प्रस्तुति र परिस्कृत गर्ने फोरमको रुपमा लिइने निर्णय गरिएको छ ।
यस्तै, सुदूरपश्चिम प्रदेशका सबै पालिकाबाट लगानी तथा विकास सम्मेलनको सम्भावित उच्च प्राथमिकताको एक एक वटा आयोजना सिफारिस गरी आगामी वैशाखभित्र सचिवालयमा पठाउने बैठकले निर्णय गरेको छ ।
मुख्यमन्त्री कमलबहादुर शाहको अध्यक्षतामा बैठक बसेको थियो । बैठकमा लगानी तथा विकास सम्मेलनका सन्दर्भमा प्रदेश सरकारद्वारा गरिएका निर्णयहरु र हालसम्मको प्रगतिबारे जानकारी गराइएको थियो ।
काठमाडौं । पछिल्लो समय सामाजिक सञ्जालमार्फत केही बैंकको वालेट प्रयोगकर्तालाई चेतावनीसहितका विभिन्न म्यासेज पठाई अनलाइन ठगी गर्ने क्रम बढेकाले सचेतता अपनाउन साइबर ब्यूरोले अनुरोध गरेको छ ।
ब्यूरोले आज सूचना जारी गर्दै सामाजिक सञ्जाल तथा म्यासेजमा पठाइएका लिङ्क क्लिक गरी आफ्ना विवरण सेयर नगर्न र कुनै पनि सफ्टवेयर आफ्नो मोबाइल, ल्यापटपलगायत उपकरणमा ‘इन्स्टल’ नगर्न सूचित गरेको हो ।
पछिल्लो समय सामाजिक सञ्जालमार्फत अनलइन माध्यमबाट लोन भुक्तानी गर्ने, सेयर बजारसम्बन्धी तालिम लिन सकिने र सोका लागि उपलब्ध गराइएको लिङ्क खोलेर आवश्यक सफ्टवेयर इन्स्टल गर्नुपर्ने भनी अवैध लिङ्क पठाउने गरेको पाइएको ब्यूरोका प्रहरी उपरीक्षक दीपकराज अवस्थीले जानकारी दिए ।
काठमाडौं । नेपाली कांग्रेसका सभापति शेरबहादुर देउवाले शिक्षकका माग नेपाली कांग्रेसले गर्ने बताएका छन् ।
कांग्रेस शिक्षा विभाग प्रमुख तथा नेपाली कांग्रेस १५ औं महाधिवेशन महामन्त्री उम्मेदवार नैनसिंह महरसहित शिक्षक संघका प्रदेश अध्यक्षहरूसँगको छलफलमा सभापति देउवाले शिक्षकका माग सम्बोधनमा कांग्रेस गम्भीर रहेको बताएका हुन् ।
शिक्षा विभाग प्रमुख महरले पनि कांग्रेस शिक्षकको साथमा रहेको बताए । ‘शिक्षकहरूका माग सम्बोधन गर्नेबारे सभापतिले मलगायत शिक्षक प्रतिनिधिहरूसँग छलफल गर्नु भएको हो । उहाँ यो विषयमा निकै गम्भीर हुनुहुन्छ । शिक्षा ऐन जारी हुनुपर्छ भन्नेमा पार्टी दृढ छ,’ महरले भने ।
सभापति देउवाको शिक्षकहरूसँग छलफल निकासका लागि उत्साहजनक भएको उनले बताए । यसअघि नै महरले विज्ञप्ति जारी गर्दै सरकारसँग आन्दोलनरत शिक्षकहरूको माग सम्बोधन गर्न माग गरेका थिए ।
काठमाडौं । नेपाल बार एसोसिएसनको अध्यक्षमा कांग्रेस-एमाले गठबन्धनका उम्मेदवार प्रा.डा. विजयप्रसाद मिश्र निर्वाचित भएका छन्। २७ औँ केन्द्रीय कार्यसमितिका लागि हालै भएको निर्वाचनमा प्रा.डा. मिश्रको प्यानल नै निर्वाचित भएको हो।
अध्यक्षमा मिश्रले आफ्ना प्रतिस्पर्धी रमनकुमार श्रेष्ठलाई २ हजार ४३१ मतले हराएका हुन्। मिश्रले ५ हजार ५२ मत पाउँदा श्रेष्ठले २ हजार ६२१ मत ल्याए।
महासचिवमा गठबन्धनका उम्मेदवार यज्ञमणि न्यौपानेलाई वछि पार्दै कांग्रेस-एमाले गठबन्धनकै वरिष्ठ अधिवक्ता केदारप्रसाद कोइराला विपजयी भएका छन्। उनले ४८७४ मत ल्याए भने न्यौपानेले २३६७ मत पाए।
अन्य सबै पदाधिकारीमा कांग्रेस-एमाले गठबन्धनकै उम्मेदवार निर्वाचित भएका छन्। कोशी प्रदेशबाट उपाध्यक्षमा पदमप्रसाद लिम्बु, मधेशबाट अजयशंकर झा, बागमतीबाट तेजबहादुर रावल, गण्डकीबाट भूपेन्द्र खनाल, लुम्बिनीबाट कृष्णप्रसाद पोख्रेल, कर्णालीबाट विवसकुमार बस्नेत, सुदूरपश्चिमबाट सिद्धराज ओझा र महिला खुला उपाध्यक्षमा सरस्वति श्रेष्ठ निर्वाचित भएका छन्। कोषाध्यक्षमा जगतबहादुर कार्की निर्वाचित भएका छन्।
