सुकुम्वासीले रास्वपालाई भने : सरकार पेलेर अघि बढे प्रतिकारमा उत्रिन्छौँ
काठमाडौं- काठमाडौंको अतिक्रमित सुकुम्वासी बस्तीका बासिन्दाले आफूहरूलाई हटाउने निर्णय कार्यान्वयन नगर्न राष्ट्रिय स्वतन्त्र पार्टीको ध्यानाकर्षण गराएका छन् ।
संयुक्त राष्ट्रिय सुकुम्वासी मोर्चाको नेतृत्वमा शुक्रबार काठमाडौंको बनस्थलीस्थीत रास्वपा पार्टी कार्यालयमा पुगेकाहरूले बस्ती हटाउने निर्णय कार्यान्वयन नगर्न माग गरेका हुन् ।
उनीहरूले पार्टी कार्यालयमा रास्वपाका केन्द्रीय सदस्य खेमराज साउदलाई ध्याकर्षण पत्र बुझाएको जनाएका छन् ।
त्यस क्रममा मानव अधिकार उल्लंघन हुने गरी काम नगर्ने र यस विषयमा सरकारसँग कुरा भइरहेको जवाफ प्राप्त भएको मोर्चाका महासचिव अर्जुन कुँवरले जानकारी दिए ।
आफूहरू सकारात्मक सन्देश आउने विश्वासमा रहे पनि सहजताका साथ एकताबद्ध भएर बस्न उनले आग्रह गरेका छन् ।
मोर्चाले सरकार एकतर्फी ढंगले जबरजस्त रुपमा अघि बढ्न खोजे प्रतिकार गर्ने चेतावनीसमेत दिएको छ ।
मोर्चाले जबरजस्ती उठिबासको सूचना तत्काल फिर्ता लिनुपर्ने, राष्ट्रिय भूमि समस्या समाधान आयोगको कार्य प्रक्रिया तत्काल सुरू गरि लगत प्रमाणीकरण र व्यवस्थापन अगाडि बढाउनुपर्ने, भूमि र आवासको अधिकारको सुनिश्चित गर्नुपर्ने लगायत माग राखेका छन् ।
ट्रेन्डिङ
ताजा समाचार
सम्बन्धित
