लगातार दोस्रो दिन पनि घट्यो नेप्से

मंगलबार पनि नेप्से परिसूचक दोहोरो अंकले घटेको छ।

नेप्से १७.९१ अंकले घटेर २८०७.३१ विन्दुमा बन्द भएको छ।

नेप्से घटे पनि कारोबार रकम भने अघिल्लो दिनको तुलनामा केही बढेको छ।

सोमबार ५ अर्ब ४३ करोड रूपैयाँको कारोबार भएकोमा यसदिन ५ अर्ब ७७ करोड रूपैयाँको कारोबार भएको छ।

यसदिन ३४७ वटा धितोपत्रको एक करोड ३० लाख १९ हजार ५५ कित्ता सेयर किनबेच भएको हो।

मंगलबार ४८ कम्पनीको सेयर मूल्य बढेको छ भने २१५ वटाको घटेको छ। यस्तै, ६ कम्पनी स्थिर छन्।

यसदिन तीन कम्पनीमा सकारात्मक सर्किट लागेको छ।

सूर्यकुन्ड हाइड्रो र पाल्पा सिमेन्टको मूल्य १५ प्रतिशत र शिखर पावरको सेयर मूल्य १४.९९ प्रतिशतका दरले बढेको छ।

सर्वाधिक मूल्य घट्नेमा दोल्ती पावर रहेको छ।

उक्त कम्पनीको मूल्य ८.७१ प्रतिशतले घटेर प्रति कित्ता मूल्य ३८८ रूपैयाँमा झरेको छ

यसैगरी, सोलु हाइड्रोपावरको मूल्य ५.७७ प्रतिशतले घटेर प्रति कित्ता मूल्य ८०० रूपैयाँमा सीमित भएको छ।

मंगलबार सोलु हाइड्रोपावरको सर्वाधिक कारोबार भएको छ।

उक्त कम्पनीको ८०० रूपैयाँमा ३७ करोड सात लाख रूपैयाँको कारोबार भएको छ।

सर्वाधिक सेयर खरिद–बिक्री हुने दोस्रो सूचीमा रिलायन्स स्पिनिङ मिल्स रहेको छ। उक्त कम्पनीको चार हजार २८८ रूपैयाँमा ३० करोड १९ लाख रूपैयाँ बराबरको सेयर कारोबार भएको छ।

आज कारोबारमा आएका १३ वटा समूहगत परिसूचकमध्ये होटल्स तथा पर्यटन समूहको परिसूचक १.१६ प्रतिशतले बढेको छ बाँकी सबै समूहको परिसूचक घट्दा समग्र नेप्से घटेको हो।

यसमध्ये अन्य समूहको परिसूचक सर्वाधिक १.२७ प्रतिशतले घटेको छ।