राप्रपाको अनुशासन समितिको बैठक आज

राष्ट्रिय प्रजातन्त्र पार्टी (राप्रपा) को अनुशासन समितिको बैठक बस्ने भएको छ। आज (सोमबार) दिउँसो पार्टी कार्यालय धुम्बाराहीमा बैठक बोलाएको राप्रपाले जनाएको छ।

बैठकमा पार्टीभित्रको आन्तरिक अनुशासनका विषयमा छलफल गरी आवश्यक निर्णय हुने नेताहरुले बताएका छन्। पार्टीभित्र विवाद बढिरहेको बेला बस्न लागेको बैठकलाई अर्थपूर्ण रूपमा हेरिएको छ। पछिल्लो समय पार्टीभित्रको इतर समूहले अध्यक्ष राजेन्द्र लिङ्दनको कार्यशैलीलाई लिएर प्रश्न उठाउँदै आएका छन्।

विशेषगरी महामन्त्री धवलशमशेर राणाले जेठभित्र महाधिवेशन नभए पार्टी समाप्त हुने चेतावनी दिएपछि बस्न लागेको यो बैठकलाई महत्वपूर्ण मानिएको छ।