रास्वपाको सरकारमा सुदूरपश्चिमका दुई महिला मन्त्री
धनगढी, १४ चैत ।
प्रधानमन्त्री बालेन्द्र शाह नेतृत्वको सरकारमा सुदूरपश्चिमबाट दुई महिलाले मन्त्री बन्ने अवसर प्राप्त गरेकी छन् । ।
राष्ट्रिय स्वतन्त्र पार्टी (रास्वपा) मा समानुपातिक तर्फबाट निर्बाचित गीता चौधरी र प्रतिभा रावलले मन्त्री बन्ने अवसर पाएकी हुन् ।
कञ्चनपुरमा जन्मिएकी रावल सङ्घीय मामिला तथा सामान्य प्रशासन मन्त्री र वर्षीया गीता चौधरी कृषि तथा पशुपन्छी विकास तथा वन तथा वातावरण मन्त्री बनेकी छन् । ३३ वर्षीया चौधरी कञ्चनपुरको शुक्लाफाँटा नगरपालिका ४ की बासिन्दा हुन् । रावलको बसोबास काठमाण्डौंमा छ ।
एक दशकभन्दा बढी समय पत्रकारिता गरेकी रावलसंग साउथ एसिया फ्याक्ट चेक, रिपब्लिका दैनिक र ग्यालेक्सी फोरके टेलिभिजनमा काम गरेको अनुभव छ ।
कानुनमा स्नातकोत्तर गरेकी चौधरी वकालत पेशामा सक्रिय थिईन् ।
नेकपा एमालेको भातृ संगठन अनेरास्ववियुबाट राजनीतिमा सक्रिय भएकी चौधरी २०७९ को निर्वाचनमा एमाले त्यागेर नागरिक उन्मुक्ति पार्टीबाट २०७९ को प्रदेशसभामा उम्मेदवार बनेकी थिईन् । तर पराजित भइन् ।
नाउपा परित्याग गरी रास्वपा प्रवेश गरेकी चौधरीलाई यस पटक समानुपातिकबाट प्रतिनिधि सभामा निर्वाचित मात्र भईनन्, मन्त्री बन्ने अवसर समेत प्राप्त गरिन् ।
सुदूरपश्चिम प्रदेशका १६ निर्वाचन क्षेत्रमध्ये रास्वपाले १० क्षेत्रमा जित हासिल गरेको थियो ।
ट्रेन्डिङ
सम्बन्धित
