प्रधानमन्त्री बालेन्द्र शाहको पद तथा गोपनीयताको शपथ समारोह सुरू

काठमाडौं : नवनियुक्त प्रधानमन्त्री बालेन्द्र शाहको पद तथा गोपनीयताको शपथ ग्रहण समारोह सुरू भएको छ।

प्रतिनिधि सभामा बहुमत प्राप्त गरेपछि नेपालको संविधानको धारा ७६ को उपधारा (१) बमोजिम प्रधानमन्त्रीमा नियुक्त भएका शाहले आजबाट औपचारिक रूपमा देशको कार्यकारी अधिकार सम्हालेका छन्।

शपथ ग्रहण समारोहमा उपराष्ट्रपति, सभामुख, राष्ट्रिय सभाका अध्यक्ष, प्रधानन्यायाधीश, पूर्वप्रधानमन्त्रीहरू, संवैधानिक निकायका प्रमुखहरू, सुरक्षा निकायका प्रमुखहरू तथा कूटनीतिक नियोगका प्रतिनिधिहरूको उपस्थिति रहेको छ।

प्रधानमन्त्री शाहको शपथ ग्रहणलगत्तै उनको नेतृत्वमा गठित नयाँ मन्त्रिपरिषद्का सदस्यहरूले पनि पद तथा गोपनीयताको शपथ लिने कार्यक्रम रहेको छ। शाहको नेतृत्वको नयाँ सरकारप्रति आम नागरिकमा विकास, सुशासन र परिवर्तनको ठूलो अपेक्षा रहेको छ।