बीपी राजमार्ग एकतर्फी सञ्चालनमा
७ चैत २०८२ ११:३८
सिन्धुली : शुक्रबार साँझदेखि परेको अविरल वर्षासँगै आएको बाढीका कारण अवरुद्ध बीपी राजमार्ग एकतर्फी सञ्चालनमा आएको छ । जिल्ला प्रहरी कार्यालय सिन्धुलीका एसपी लालध्वज सुवेदीका अनुसार अवरुद्ध राजमार्गमा पहिरो पन्छाएपछि नेपालथोक-भकुण्डेबेसी खण्ड एकतर्फी सञ्चालनमा आएको हो ।
शनिबार बिहान साँढे तीन बजेदेखि नेपालथोक-भकुण्डेबेसी खण्ड अन्तर्गत काभ्रेको रोशी गाउँपालिका – ११ कालढुंगा र दाउन्नेमा रोशीमा आएको बाढीले क्षति पुर्याएपछि राजमार्ग अवरुद्ध थियो ।
बिहानैदेखि अवरोध पन्छाएर राजमार्ग एकतर्फी सञ्चालनमा आएसंगै सिन्धुलीमाढी, दुम्जा र नेपालथोकमा होल्ड गरिएको सवारी साधन बिस्तारै गन्तव्यतर्फ पठाउन थालिएको छ। अवरुद्ध राजमार्गको अस्थायी डाईभर्सन निर्माण कार्य जारी छ ।
ट्रेन्डिङ
सम्बन्धित
