अमेरिकी दूतावासमाथि हमलाको ‘छिट्टै’ प्रतिकार हुन्छ : ट्रम्प

वासिङ्टन डीसी- अमेरिकी राष्ट्रपति डोनाल्ड ट्रम्पले रियादस्थित अमेरिकी दूतावासमा भएको हमलापछि अमेरिका छिट्टै प्रतिकारमा उत्रिन सक्ने बताएका छन् । ट्रम्पले केबल नेटवर्क न्यूजनेशनसँग कुरा गर्दै दूतावासमाथिको आक्रमण र अमेरिकी सैनिकहरूको मृत्युका कारण प्रतिक्रिया आउन सक्ने सङ्केत दिएका हुन् ।

अमेरिकाले सोमबार राति दिएको जानकारीअनुसार हालसम्म इरानी हमलामा छ जना अमेरिकी सेवा सदस्यको मृत्यु भएको छ भने १८ जना घाइते भएका छन् ।

जमिनमा सेना उतार्नु आवश्यक नपर्ने विश्वास रहेको ट्रम्पले आफूलाई बताएको न्यूजनेशनकी राजनीतिक संवाददाता केल्ली मेयरले सामाजिक सञ्जाल एक्समा लेखेकी छन् ।