म ‘पब्लिक डिबेट’का लागि तयार छु : प्रचण्ड
काठमाडौं- नेपाली कम्युनिस्ट पार्टीका संयोजक पुष्पकमल दाहाल प्रचण्डले आफू ‘पब्लिक डिबेट’का लागि सधैँ तयार रहेको बताएका छन्।
आज सञ्चारकर्मीहरूसँग कुरा गर्दै आफू जोसँग पनि पब्लिक डिबेटका लागि तयार रहेको बताए।
उनले भने, ‘म त पब्लिक डिबेटका लागि तयार नै छु। मैले त पब्लिक डिबेट गर्दै आइरहेको छ। भदौ २७ गते अन्तरिम सरकार बन्यो। त्यसपछि यही ठाउँमा पहिलो सार्वजनिक रूपले म प्रस्तुत भएँ, पहिलो बहस मैले थाले, देशव्यापी हिँड् पनि हामी नै थालेका हौँ।’
भावी प्रधानमन्त्रीबीच ‘पब्लिक डिबेट’ गराउनुपर्ने बहस चलिरहेको छ। एमालेले अध्यक्ष केपी ओली, कांग्रेसले सभापति गगन थापा र रास्वपाले वरिष्ठ नेता बालेन शाहलाई प्रधानमन्त्रीको उम्मेदवार घोषणा गरेको छ।
नेकपाले भावी प्रधानमन्त्री नतोकेपछि प्रचण्डले पब्लिक डिबेट’का लागि आफू तयार रहेको बताएका हुन्। एमाले अध्यक्ष ओली, कांग्रेस सभापति थापा पनि तयार नै देखिएपनि बालेनले अस्वीकार गर्दै आइरहेका छन्।
उनले देश अझै सङ्कटमुक्त नभएको भन्दै निर्वाचनलाई धाँधलीरहित बनाउन लाग्नुपर्ने बताए। उनले देश कसैको स्टन्टबाजीमा नचल्ने बताए।
ट्रेन्डिङ
सम्बन्धित
