भिभो एक्स–२००टी स्मार्टफोन सार्वजनिक हुँदै

काठ्माण्डौ- चिनियाँ मोबाइल ब्राण्ड भिभोले भारतीय बजारमा भिभो एक्स–२००टी स्मार्टफोन सार्वजनिक गर्ने तयारी गरेको छ।

भारतीय सञ्चार माध्यमका अनुसार जनवरी अन्तिम साता फोन सार्वजनिक गर्ने तयारी गरेको हो।

भिभोले एक्स–२०० सिरिज भारतीय बजारमा सन् २०२४ मा सार्वजनिक गरेको थियो। भिभो एक्स–२०० र एक्स–२०० प्रो बजारमा छ।

यो फोनमा ६.६७ इञ्चको डिस्प्ले जडान गरिएको छ।

फोनमा तीन वटा क्यामरा जडान गरिएको छ। जसमा मुख्य, टेलिफोटो र अल्ट्रावाइड तीनवटै लेन्स ५० मेगापिक्सलको छ।
ग्राहकले ६ हजार दुई सय एमएएच क्षमताको ब्याट्री पाउँछन्।

साथै, ९० वाटको फास्ट चार्चिङ र ४० वाटको वायरलेस चार्जिङ सुविधा दिइएको छ।

फोनको मूल्य ५० हजारभन्दा बढी भारू हुने अनुमान लगाइएको छ।

भिभो नेपालमा पनि चल्तीको ब्राण्ड हो। यहाँ भने ग्राहकले एक्स–३०० सिरिज मात्रै पाउँछन्।