दार्चुलामा कांग्रेसका जोशीको उम्मेदवारी दर्ता

काठमाडौँ- प्रतिनिधिसभा निर्वाचनमा दार्चुलाबाट कांग्रेसका उम्मेदवार धर्मानन्द जोशीको मनोनयन दर्ता भएको छ ।

जोशीले मंगलबार निर्वाचन अधिकृतको कार्यालयमा पुगेर मनोनयन दर्ता गराएका हुन् । मनोनयन दर्ताका क्रममा दार्चुलाबाट निवर्तमान सांसद दिलेन्द्रप्रसाद बडू, समानुपातिक उम्मेदवार करवीर कार्की, जिल्ला सभापति ललितसिंह बोहोरालगायतका कांग्रेस नेता र कार्यकर्ताको उपस्थिति थियो ।

संयुक्त राष्ट्रसंघ अन्तर्गतका निकायमा काम गरेको अनुभव संगालेका जोशीलाई सभापति गगन थापाले दार्चुलाको उम्मेदवार बनाएका थिए । संयुक्त राष्ट्रसंघको विभिन्न राजनीतिक मिसन, मानवअधिकार, कानुन र द्वन्द्व व्यवस्थापनमा भूमिका खेलेको अनुभव जोशीसँग छ ।