कञ्चनपुर-१ बाट जेनजी अभियानी यादव सिंहले दिए स्वतन्त्र उम्मेदवारी
७ माघ २०८२ १६:५६
कञ्चनपुर- जेनजी अभियानी २७ वर्षीय यादव सिंहले स्वतन्त्र उम्मेदवारी दर्ता गराएका छन्।
उनले मंगलबार कञ्चनपुर क्षेत्र नम्बर- १ बाट प्रतिनिधि सभाको निर्वाचनका लागि उम्मेदवार दर्ता गराएका हुन्।
स्वतन्त्र उम्मेदवारको रूपमा उम्मेदवारी दर्ता गराएको सिंहले सेतोपाटीलाई जानकारी दिए।
उनी कञ्चनपुर पुनर्वास नगरपालिका-१० को स्थानीय हुन्। उनको जेन-जी आन्दोलनमा सक्रिय सहभागिता थियो।
उनी केही समयअघि घाइते जेन-जीको प्रतिनिधित्व गर्दै तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई कारबाही माग गर्दै भन्दै आमरण अनसन बसेका थिए।
१० दिन माइतीघर मण्डलमा आमरण अनशस बसेपछि प्रधानमन्त्री कार्यालय र गृह मन्त्रालयको स्वकीय सचिव धिरज जोशीको उपस्थितिमा अनसन तोडेका थिए।
ट्रेन्डिङ
सम्बन्धित
