जेन-जी आन्दोलनपछि पहिलोपटक सार्वजनिक भए देउवा दम्पती
२८ असोज २०८२ १४:३४
काठमाडौँ। नेपाली कांग्रेसका सभापति शेरबहादुर देउवा र उनकी श्रीमती तथा पार्टी केन्द्रीय सदस्य आरजु राणा देउवा सानेपा पुगेका छन्। कांग्रेसको केन्द्रीय कार्यसमिति बैठकमा सहभागी हुन उनीहरू पार्टीको केन्द्रीय कार्यालय सानेपा पुगेका हुन्।
आजको केन्द्रीय कार्यसमिति बैठकमा सभापति देउवाले सम्बोधन गर्ने कार्यक्रम छ।
बैठकमा सहभागी हुन पुगेका सभापति देउवालाई स्वास्थ्य अवस्था कस्तो छ भनी पत्रकारले सोध्दा उनले ‘ठिक छ, ठिक छ’ भन्दै जवाफ फर्काएका छन्।
जेन-जी आन्दोलनका क्रममा गत २४ भदौमा देउवा निवासमा भएको आक्रमणपछि उनीहरू पहिलोपटक आज सार्वजनिक भएका हुन्।
ट्रेन्डिङ
सम्बन्धित
