हमासको नियन्त्रणमा रहेका नेपाली बिपिन जोशी जीवित रहेको पुष्टि

काठमाडौँ, २७ असोज ।

अन्तर्राष्ट्रिय सञ्चारमाध्यमहरूले गाजामा हमासद्वारा अपहृत नेपाली नागरिक बिपिन जोशी जीवित रहेको पुष्टि गरेका छन्।

हमास र इजरायलबीच प्रस्तावित युद्धविरामको पहिलो चरण अघि सार्वजनिक गरिएको जीवित बन्धकहरूको सूचिमा बिपिन जोशीको नाम पनि समावेश गरिएको छ।
उक्त चरण अन्तर्गत केही बन्धकहरूलाई सोमबार मुक्त गर्ने तयारी गरिएको छ।

द वासिङटन पोस्टका अनुसार जोशीको नाम जीवित बन्धकहरूको सूचीमा उल्लेख गरिएको छ। द वासिङटन पोस्ट, टाइम्स अफ इजरायल र एसोसिएटेड प्रेस द्वारा सार्वजनिक विवरणहरूमा बिपिन जोशी जीवित रहेको पुष्टि गरिएको छ।

कञ्चनपुरका बिपिन जोशीलाई ७ अक्टोबर २०२३ मा इजरायलको किबुच अलुमिमस्थित एउटा कृषि सहायता परियोजनाबाट हमासको समूहले अपहरण गरेको हो।