कैलाली उद्योग वाणिज्य संघमा ओझाको अग्रता कायमै

धनगढी, २७ असोज ।
कैलाली उद्योग वाणिज्य संघको नयाँ नेतृत्व चयनका लागि भएको निर्वाचनको मतगणनामा अध्यक्ष पदमा पुष्कर ओझाले अग्रता कायमै राखेका छन् ।

१२०० मत गणना हुदा ओझाले ५९६ मत प्राप्त गरेका छन् । अध्यक्षका अर्का उम्मेदवार रुपेश स्वाँरले ५४३ मत प्राप्त गरेका छन् । दुबै जनाबीच ५३ मतको अन्तर छ । पछिल्लो दुई सय मतको गणनामा स्वाँरले सात मतले मतान्तर घटाएका हुन् ।

बरिष्ठ उपाध्यक्षमा स्वाँर प्यानलका उम्मेदवार केशव राज जोशीले अग्रता कायम गरेका छन् । जोशीले ५८७ मत प्राप्त गर्दा ओम बहादुर बिष्टले ३५४ मत ल्याएका छन् । उनीहरुकाबीच २३३ मतको अन्तर छ । अर्का उम्मेदवार सुरेन्द्र राठीले २८ मत प्राप्त गरेका छन् ।

त्यस्तै उद्योग तर्फको उपाध्यक्षमा लक्ष्मणराज पन्तले समेत मतान्तर बढाएका छन् । पन्तले ६३६ मत प्राप्त गर्दा सोही पदका अर्का उम्मेदवार बासुदेव भट्टले ४२६ मत प्राप्त गरेका छन् ।

यसैगरी एशोसियट उपाध्यक्ष पदका उम्मेदवारहरुमा कडा देखिएको छ । अनिल कुमार भोजानियाले ३४९ कविन्द्र पन्तले ३४६ मत र मनोज अग्रवालले ३३८ मत प्राप्त गरेका छन् ।

त्यस्तै वाणिज्य तर्फको उपाध्यक्षमा गगनराज केसीले ६११ मत प्राप्त गर्दा अर्की उम्मेदवार राधिका कुमारी चौधरीले ४४४ मत ल्याएकी छन् ।

वस्तुगत तर्फको उपाध्यक्षमा भीम राज ओझा अबुले अग्रता कायम गरेका छन् । ओझाले ५९१ मत प्राप्त गर्दा अर्का उम्मेदवार सिद्धराज पनेरुले ४८१ मत ल्याएका छन् ।

त्यस्तै महासचिवमा दिनेश लम्सालले ५७७ मत ल्याएका छन् । उनलाई पछ्याईरहेका सुरेश राज पाण्डेयले ५०३ मत पाएका छन् ।

त्यसैगरी कोषाध्यक्षमा  तिलक सिंह बोहराले दोब्बर मतले अग्रता कायम गरेका छन् । बोहराले ६९९ मत ल्याउदा उनका प्रतिस्पधर्मी सुरेन्द्र बहादुर कडायतले ३५३ मत पाएका छन् ।

त्यस्तै सचिव पदमा स्वाँर प्यानलका उम्मेदवार प्रकाश बहादुर चन्दले ५६२ मत सहित अग्रता कायम गरेका छन् । ओझा प्यानलकी कृष्णा कुमारी बिष्टले ३२८ र स्वतन्त्र उम्मेदवार कोपिला कुँवर चौलागाईले २०० मत ल्याएकी छन् । चन्दले पाएको मत बिष्ट र कोपिलाले पाएको संयुक्त मत भन्दा बढि हो ।

२३५५ मतदातामध्ये निर्वाचनमा १९४० मत खसेको थियो । अव ७४० मत गणना हुन बाँकी छ ।