कैलाली उद्योग वाणिज्य संघको अध्यक्ष पदमा कडा प्रतिस्पर्धा
४०० मत गणना हुदा ओझाको १९९, स्वाँरको १८२ मत
धनगढी, २६ असोज ।
कैलाली उद्योग वाणिज्य संघको नयाँ नेतृत्व चयनका लागि भएको निर्वाचनको मत गणनाको प्रारम्भदेखि नै अध्यक्षमा पुष्कर ओझाले अग्रता कायम गरेका छन् ।
४०० मत गणना हुदा ओझाले १९९ मत प्राप्त गरेका छन् । अध्यक्षका अर्का उम्मेदवार रुपेश स्वाँरले १८२मत प्राप्त गरेका छन् । ओझाले चार सय मतको गणना हुदा मतान्तर बढाएका छन् । दुबै जनाबीच १७ मतको अन्तर छ ।
बरिष्ठ उपाध्यक्षमा स्वाँर प्यानलका उम्मेदवार केशव राज जोशीले अग्रता कायम गरेका छन् । जोशीले १८३ मत प्राप्त गर्दा ओम बहादुर बिष्टले १३० मत ल्याएका छन् । उनीहरुकाबीच ७३ मतको अन्तर छ । अर्का उम्मेदवार सुरेन्द्र राठीले २८ मत प्राप्त गरेका छन् ।
त्यस्तै उद्योग तर्फको उपाध्यक्षमा झण्डै दोब्बर मतले लक्ष्मणराज पन्तले अग्रता कायम गरेका छन् । पन्तले २२२ मत प्राप्त गर्दा सोही पदका अर्का उम्मेदवार बासुदेव भट्टले १३१ मत प्राप्त गरेका छन् ।
यसैगरी एशोसियट उपाध्यक्षमा स्वतन्त्र उम्मेदवार कविन्द्र पन्तले १२२ मत, अनिल कुमार भोजानियाले १२३ र मनोज अग्रवालले १२१ मत ल्याएका छन् ।
त्यस्तै वाणिज्य तर्फको उपाध्यक्षमा गगनराज केसीले १९७ मत प्राप्त गर्दा अर्की उम्मेदवार राधिका कुमारी चौधरीले १५५ मत ल्याएकी छन् ।
वस्तुगत तर्फको उपाध्यक्षमा भीम राज ओझा अबुले अग्रता कायम गरेका छन् । ओझाले २१४ मत प्राप्त गर्दा अर्का उम्मेदवार सिद्धराज पनेरुले १५४ मत ल्याएका छन् ।
त्यस्तै महासचिवमा दिनेश लम्सालले १९९ मत ल्याएका छन् । उनलाई पछ्याईरहेका सुरेश राज पाण्डेयले १६७ मत पाएका छन् ।
त्यसैगरी कोषाध्यक्षमा तिलक सिंह बोहराले भारी अन्तरले अग्रता कायम गरेका छन् । बोहराले २४० मत ल्याउदा उनका प्रतिस्पधर्मी सुरेन्द्र बहादुर कडायतले ३७ मत पाएका छन् ।
त्यस्तै सचिव पदमा स्वाँर प्यानलका प्रकाश बहादुर चन्दले १९५ मत सहित अग्रता कायम गरेका छन् ।
कृष्णा कुमारी बिष्टले १०७ र अर्की उम्मेदवार कोपिला कुँवर चौलागाईले ६६ मत ल्याएकी छन् ।
२३३५ मतदाता रहेको कैलाली उद्योग वाणिज्य संघको निर्वाचनमा १९४० (८३ प्रतिशत) मत खसेको थियो ।
ट्रेन्डिङ
सम्बन्धित
