सुदूरपश्चिम यातायात मजदुर भलाइ कोषद्वारा सरकारी वकिल कार्यालयलाई सामाग्री सहयोग

धनगढी ५ असोज । सुदूरपश्चिम यातायात मजदुर भलाइ कोष समितिले सामाजिक उत्तरदायित्व अन्तर्गत जिल्ला सरकारी वकिल कार्यालय कैलालीलाई आईतबार एक थान दराज र कम्प्युटर सेट सहयोग गरेको छ।

सो सहयोग कार्यक्रम कोषका उद्धार उपाध्यक्ष डिबी मल्ल, कार्यसमिति सदस्य दिल बबहादुर धामी लगायत समितिका पदाधिकारीहरू, कोषका कार्यालय प्रमुख गणेश प्रसाद उपाध्यायले जिल्ला सरकारी वकिल कार्यालयका कार्यालय प्रुखलाई सामाग्री हस्तान्तरण गरे।

भदौ २४ गतेको जेन–जेड आन्दोलनका क्रममा कार्यालयमा भएको आगजनीले सम्पत्ति नष्ट भएपछि कामकाजमा समस्या आइरहेको थियो । सामाग्री ग्रहण गर्दै प्रमुखले कोषप्रति आभार व्यक्त गर्दै उक्त सहयोगले सेवा प्रवाह सहज हुने बताए। उनले नागरिकलाई प्रभावकारी सेवा दिन कार्यालय प्रतिबद्ध रहेको समेत उल्लेख गरे।

यातायात मजदुर भलाइ कोषले यसअघि पनि विभिन्न सहयोगी गतिविधिहरूमार्फत सामाजिक क्षेत्रमा योगदान दिँदै आएको छ।