‘नाडा अटो शो’मा ईभी कार जिनपिङकाे तहल्का, सस्तोमै उच्च रेन्ज दिने गाडी पाएपछि बुकिङको ओइरो

काठमाडौं । ‘नाडा अटो शो’मा मंगलबार लञ्च भएकाे ईभी कार जिनपिङ लिङ्बक्स ईसी०१ ले तहल्का मच्चाएकाे छ ।

सस्तो मूल्य, धेरै रेन्ज र स्मार्ट डिजाइनका साथ ठाकुर मोटर्सले नेपाली बजारमा भित्र्याएको याे गाडी नाडा शो सुरु भएको दिन देखिनै धेरैकाे आकर्षण बनेकाे छ।

कम्पनीकी म्यानेजर सुनिता ढुंगानाका अनुसार, पहिलो तीन दिनसम्मकाे तथ्यांक हेर्दा नाडामा सर्वाधिक बुकिङ यही गाडीको भएको अनुमान छ।

लिङ्बक्स ईसी०१ नेपालमा उपलब्ध अहिलेसम्मकै किफायती मूल्यमा पाइने, सबैभन्दा बढी रेन्ज दिने ईभी कारको रूपमा आएको हो।

म्यानेजर ढुंगानाका अनुसार यो ईभी कार दुई मोडेलमा उपलब्ध छ । बेस मोडेलमा १९.२६ किलोवाटको ब्याट्री छ, जसले करिब २४० किलोमिटर रेन्ज दिन्छ । यस्तै, प्रिमियम मोडेलमा ३१.४५ किलोवाटको ब्याट्री दिइएको छ, जसको दाबी गरिएको रेन्ज ३४० किलोमिटर छ।

दुवै मोडेलमा समान ३५ किलोवाटको मोटर छ । गाडीमा एलएफपी प्रविधिको ब्याट्री राखिएकाे छ । याे ब्याट्री सुरक्षित र टिकाउ मानिन्छ ।

‘फाइभ डोर’ सुविधासहितकाे यो कार १२ फिट लम्बाइ, ५ फिट चौडाइ, करिब साढे ५ फिट उचाइ र ८ फिटको ह्वीलबेसमा आधारित छ।

म्यानेजर ढुंगानाका अनुसार २०० एमएमको ग्राउन्ड क्लियरेन्स भएकाे याे गाडी नेपालका जस्ताेसुकै उकालो, खाल्डाखुल्डी सडकहरूमा गुड्न सक्ने क्षमता राख्छ।

कम्पनीले गाडीकाे बेस मोडेलको मूल्य १९ लाख ९९ हजार रुपैयाँ राखेकाे छ भने प्रिमियम मोडेलको मूल्य २४ लाख ९९ हजार रुपैयाँ ताेकेकाे छ ।

तर नाडामा बुकिङ गर्ने ग्राहकका लागि कम्पनीले विशेष छुट दिएको छ। जसअनुसार, बेस मोडेल १८ लाख ९९ हजार, र प्रिमियम मोडेल २३ लाख ४९ हजार मा उपलब्ध हुने बताइएकाे छ ।

साथै गाडी यहाँ गाडी खरिद गर्ने ग्राहकले एक वर्षको बीमा, एक वर्षको सडक कर, नम्बर प्लेट एम्बोस गर्ने सुविधा, र फ्लोर म्याट समेत पाउने म्यानेजर ढुंगानाले बताइन् ।