एनआरएनए अमेरिकाको अध्यक्षमा साह निर्वाचित
न्यूयोर्क, १८ अगष्ट ।
गैर आवासीय नेपाली संघ राष्ट्रिय समन्वय परिषद अमेरिकाको अध्यक्षमा सतेन्द्र साह फराकिलो अन्तरले निर्वाचित भएका । निकटतम प्रतिद्वन्द्वी भानु खरेललाई सात सय २२ मतको अन्तरले पराजित गर्दै साह अध्यक्ष पदमा निर्वाचित भएका हुन् ।
साहले तीन हजार दुई सय २८ मत ल्याउदा खरेलले दुई हजार पाँच सय छ मत ल्याए । अध्यक्ष पदका अर्का उम्मेदवार रामहरी अधिकारीले दुई हजार ६३ मत ल्याए ।
उपाध्यक्ष र महासचिव सहित अधिकांश पदमा बिजयी भएका साह प्यानलले वरिष्ठ उपाध्यक्ष भने गुमाए ।
बरिष्ठ उपाध्यक्षमा रामहरी अधिकारीको प्यानलका सन्तोष पहारी तीन हजार तीन सय ८८ मत ल्याएर बिजयी भए । बरिष्ठ उपाध्यक्ष पदका प्रत्याशी डा. पुरुषोत्तम दाहालले दुई हजार आठ सय ३९ र सरोज सिग्देलले एक हजार चार सय ६५ मत पाए ।
उपाध्यक्षमा प्रदीप चौलागाई(२८८२), गंगाधर आचार्य(२८५८), आङछिरिङ शेर्पा (२७९४), सुरेन्द्र लौडारी (२६८८) बिजयी भए ।
महिला उपाध्यक्षमा सुनिला सार्की तीन हजार चार सय तीन मत ल्याएर बिजयी भईन् । उपाध्यक्षमा दुर्गा तिवारी(२७५५), गीता बजगाई(१६०९) पराजित भईन् ।
युवा उपाध्यक्षमा दुई हजार आठ सय २३ मत ल्याएर बिजय वाईवा निर्वाचित भए । निकटत प्रतिद्धन्द्धी नवराज न्यौपानेले दुई हजार सात सय ६९ र सुबोध रेग्मीले दुई हजार ५२ मत पाए ।
महासचिवमा मोहन न्यौपाने चार हजार १३ मत ल्याएर निर्वाचित भए । निकटतम प्रतिद्वन्द्वी अनुप खनालले तीन हजार एक सय ५८ मत पाए ।
सचिवमा सूर्य वस्ताकोटी निर्वाचत भए । वस्ताकोटीले दुई हजार छ सय २३ मत ल्याउदा उनका निकटतम प्रतिद्वन्द्वी बासुदेव भट्टले दुई हजार तीन सय ६५ मत र सुभाष बैठाले एक हजार नौ सय ९३ मत पाए ।
कोषाध्यक्षमा रविन्द्र उप्रेती तीन हजार नौ सय ४६ मत ल्याएर निर्वाचित भए । उनका निकटतम प्रतिद्वन्द्वी महेन्द्र बस्नेतले तीन हजार छ सय १५ मत पाए ।
युवा संयोजकमा सनसार चौलागाई तीन हजार नौ सय ७१ मत ल्याएर बिजयी भए । निकटतम प्रतिद्वन्द्वी बिकी थापाले तीन हजार पाँच सय ८२ मत ल्याए ।
महिला संयोजकमा करिना कुँवर चार हजार तीन सय ६८ मत सहित बिजयी भईन् । पराजित सरस्वती शर्माले तीन हजार दुई सय ३९ मत पाईन् ।
बोर्ड अफ डाईरेक्टरमा सन्तोष लम्साल (४३९६), माधव गौतम (४१४१), बाबुराम काफ्ले (३७६१), ध्रुव गौतम (३७२१), राजु शाह (३५४६), ईन्द्रकान्त चौधरी (३३९२), ओम विश्वकर्मा (३३०९) र हेम बहादुर ठकुल्ला (३२३१) बिजयी भए ।
ट्रेन्डिङ
ताजा समाचार
सम्बन्धित
