अध्यक्षमा ४ जनाको दौड, वरिष्ठ उपाध्यक्षमा भण्डारीको आकांक्षा

अत्तरिया- अत्तरिया उद्योग वाणिज्य संघको यहीँ असार २८ गते हुने निर्वाचनका लागि वरिष्ठ उपाध्यक्ष (वस्तुगत) पदमा संघका पूर्व कोषाध्यक्ष हेमराज भण्डारीले उम्मेदवारी दिने तयारी गरेका छन्।

लामो समयदेखि अत्तरिया क्षेत्रमा व्यवसाय र संघको गतिविधिमा सक्रिय रहेका भण्डारीले व्यवसायीहरूको हकहित संरक्षण, व्यवसायमैत्री वातावरण निर्माण, पारदर्शी नेतृत्व र संघको संस्थागत सुदृढीकरणलाई प्राथमिकतामा राख्दै उम्मेदवारी दिने आकांक्षा राखेका छन् ।

यसैबीच अध्यक्ष पदका लागि नैनसिंह कार्की, कमल कडायत, कविराज भट्ट र रमेश भट्टराई प्रतिस्पर्धामा उत्रिने तयारीमा छन्। निर्वाचन नजिकिँदै जाँदा उम्मेदवारहरूले चुनावी अभियान र व्यवसायीहरूसँगको भेटघाटसँगै प्यानल बनाउन आकांक्षी उम्मेदवारहरू निरन्तर दौडधुपमा लागिरहेका छन्।