४ पटककाे विजेता जर्मनीसँग खेलेर कुराकाओले विश्वकपमा डेब्यु गर्दै
काठमाण्डाै – फिफा विश्वकप फुटबलमा आज राति जर्मनी र कुराकाओ खेल्दैछन् । समूह ‘ई’ को यो खेल राति पौने ११ बजे अमेरिकाको हस्टन रङ्गशालामा शुरू हुनेछ ।
विश्वकप फुटबलमा जर्मनी सबैभन्दा सफल टोलीमध्ये एक हो । जर्मनीले अहिलेसम्म सन् १९५४, १९७४, १९९० र २०१४ मा गरी ४ पटक उपाधि जितेको छ । विश्वकपमा जर्मनीको यो २१औँ सहभागिता हो ।
कुराकाओले भने पहिलो पटक विश्वकप खेल्न लागेको हो । कुराकाओ क्षेत्रफल र जनसङ्ख्या दुवैकाे हिसाबले प्रतियोगिताका लागि छनोट हुने सबैभन्दा सानो देश हाे ।
कुराकाओकाे क्षेत्रफल ४४४ वर्गकिलाेमिटर र जनसङ्ख्या झन्डै १ लाख ५८ हजार रहेकाे छ ।
फिफा वरीयतामा जर्मनी १०औँ र कुराकाओ ८२औँ स्थानमा छ ।
यस्तै आज राति समूह ‘एफ’ का नेदरल्यान्ड्स र जापान खेल्दैछन् । यो खेल राति पौने २ बजे अमेरिकाको डलास रङ्गशालामा शुरू हुनेछ ।
विश्वकप फुटबलमा भोलि बिहान ३ वटा खेल हुँदैछन् । बिहान पौने ५ बजे फिलाडेल्फिया रङ्गशालामा समूह ‘ई’ का आइभरी कोस्ट र इक्वेडर खेल्दैछन् । यस्तै बिहान पौने ८ बजे मेक्सिकोको मोन्टेरी रङ्गशालामा समूह ‘एफ’ का स्वीडेन र ट्युनिशिया खेल्दैछन् ।
ट्रेन्डिङ
ताजा समाचार
सम्बन्धित
