दुई रुपैयाँ बदमासी भएको छ भने मन्त्री त्याग्छु : अर्थमन्त्री
काठमाडौं । अर्थमन्त्री डा. स्वर्णिम वाग्लेले अर्थ विधेयक हेरफेरमा आफूबाट बदमासी भएको छ भने मन्त्री पद नै त्याग्ने घोषणा गरेका छन् ।
बिहीबारको प्रतिनिधिसभा बैठकमा उनले सार्वजनिक लेखा समितिमा पनि भनेको सुनाउँदै सार्वजनिक पद त्याग्ने सुनाए ।
“एक दुईटा खोस्टाले लेखे, दुई अर्बको आशंका भनेर । दुई अर्ब होइन । दुई रुपैयाँ बदमासी, बेइमानी मबाट भएको छ भने म मन्त्री पद त्यागिदिन्छु । सार्वजनिक जीवन नै त्याग्न तयार छु,” उनले भने ।
उनले यो नैतिक आँट आफूतिर औँला ठड्याउने सांसदहरूलाई पनि प्राप्त होस् भन्ने शुभकामना दिए । “तपाईंहरूका काण्डबारे अनविज्ञ हो र ? ती पनि खुल्नेछन्,” उनले भने ।
उनले सांसदहरूले सदनको ओज घटाउन नहुने बताए । “सांसदहरूले आफ्नो गरिमा आफैँ राख्नुपर्छ । सदनको ओज घटाउने कामतिर लाग्नु हुँदैन,” वाग्लेले भने ।
आफूहरूले सुशासनको ऐजेन्डा बोकेको भन्दै उनले दुई महिनामै धोका दिन नसक्ने जिकिर गरे । “सुशासनको निर्मम ऐजेन्डा लिएर अघि बढेको । सुशासनको त्यो कठोर कटिबद्धतालाई जनताले अनुमोदित गरेको दुई महिनामा नै धोका दिन सकुँला ? सक्दैनौँ,” उनले भने ।
वाग्लेलाई विद्युतीय गाडीमा सूचना चुहाएको आरोप लागेको छ ।
ट्रेन्डिङ
ताजा समाचार
सम्बन्धित
