कानुनमन्त्री गौतम र जापानका राजदूतबीच भेट

काठमाडौं । कानुन, न्याय तथा संसदीय मामिलामन्त्री सोविता गौतम र नेपालका लागि जापानका राजदूत माइदा तारुबीच शिष्टाचार भेट भएको छ ।

राजदूत तारुले नवनियुक्त मन्त्री गौतमलाई बधाई तथा शुभकामना दिए ।

भेटका क्रममा मन्त्री गौतम र जापानी राजदूतबीच कानुन सुधारका विषयमा विगतको सहकार्यलाई निरन्तरता दिने छलफल भएको छ ।

साथ, सूचना प्रविधि, आर्टिफिसियल इन्टेलिजेन्सलगायतको प्रयोग बढिरहँदा तिनलाई नियमन गर्न उपयुक्त कानुन आवश्यक रहेको विषयलाई जोड दिइएको थियो ।

साथै, सहकार्यका थप क्षेत्र पहिचान गर्ने, साथै जापान सरकारलाई आवश्यक पर्ने कुनै विषय भए छलफलका लागि नेपाल खुला रहेको सन्देश दिनेलगायत विषयमा पनि छलफल भएको बताइएको छ ।