नेप्से सूचक ८ अंकले घट्यो, ४ अर्ब ४१ करोडको कारोबार
काठमाडौं । साताको अन्तिम कारोबार दिन शुक्रबार शेयरबजार परिसूचक नेप्से ८ अंकले घटेर बन्द भएको छ । नेपाल स्टक एक्सचेञ्जका अनुसार आज नेप्से सूचक ८.३० अंकले घट्दै २ हजार ६५३.४० अंकमा झरेको हो ।
तथापि, आज कारोबार भने उच्च भएको नेप्सेले जनाएको छ । यसदिन ४ अर्ब ४१ करोड २३ लाख ४० हजार रुपैयाँ बराबरको ८५ लाख ८४ हजार कित्ता शेयर दोस्रो बजारमा किनबेच भएको नेप्सेले जनाएको छ ।
आज डेभलपमेन्ट बैंक, फाइनान्स, हाइड्रोपावर, माइक्रोफाइनान्स र ट्रेडिङ समूहको उपसूचक धनात्मक भएका छन् भने बाँकी आठवटा उपसूचक ऋणात्मक भएका छन् । १६० कम्पनीको शेयर मूल्य घट्दा १०३ कम्पनीको मूल्य आज बढेको छ ।
सानिगढ हाइड्रोपावर कम्पनीको शेयर मूल्य १५ प्रतिशतले बढेको छ भने स्नो रिभर, कलंगा हाइड्रो र नेपाल फाइनान्सको शेयर मूल्य क्रमशः १४.९९ प्रतिशत, १४.९८ प्रतिशत र १४.९२ प्रतिशतले बढेका छन् । अप्पर लोहोरे हाइड्रोपावर कम्पनीको शेयर मूल्य भने आज सबैभन्दा बढी १३.६५ प्रतिशतले घट्न पुगेको छ ।
ट्रेन्डिङ
सम्बन्धित
