म बेइमान होइन, इमानदार मानिस हुँ : दुर्गा प्रसाईं

राष्ट्र, राष्ट्रियता, धर्म संस्कृति र नागरिक बचाउ महाभियानका संयोजक दुर्गा प्रसाईंले देश निर्माणको जिम्मेवारी गम्भीर विषय भएको बताएका छन् । प्रस्तावित राष्ट्रवादी पार्टी निर्माणार्थ जिम्मेवारी हस्तान्तरण तथा परिचयात्मक कार्यक्रममा उनले आफूहरूले सत्य कुरा उठाउँदा पनि विभिन्न आरोप र आलोचनाको सामना गर्नुपरेको उल्लेख गरे ।

उनले भने, ‘हामीलाई जहिले पनि अराजक भन्ने गरिन्छ । तर इमानदार मानिस कसैसँग डराउनु पर्दैन। म बेइमान होइन, इमानदार मानिस हुँ।’

आफूहरुसँग चाहिने सबै कुरा भएको बताउँदै प्रसाईंले भने, ‘झुट बोलेर घर बनाउनु छैन, गाडी चढ्नु छैन । हामीसँग आवश्यक सबै कुरा छ ।’

प्रसाईंले इमानदारी र सत्यनिष्ठाका आधारमा देश र समाज परिवर्तनको अभियान अघि बढाइने बताएका छन् ।