अमेरिकासँग वार्ता नगर्ने इरानको घोषणा

इरानले अमेरिकासँग वार्ता नगर्ने घोषणा गरेको छ। इरानका सुरक्षा प्रमुख अली लारिजानीले सामाजिक सञ्जाल प्लेटफर्म एक्समार्फत उक्त घोषणा गरेका हुन्। उनले भनेका छन्, ‘देशले अमेरिकासँग वार्ता गर्ने छैन।’

इरानी अधिकारीहरूले अमेरिकासँग वार्ता पुनः सुरु गर्ने योजना बनाएका छन् कि छैनन् भन्ने प्रश्नको जवाफमा लारिजानीले यो कुरा बताएका हुन्।

लारीजानी इरानको सर्वोच्च राष्ट्रिय सुरक्षा परिषद्का सचिव हुन् र उनले इरानी सर्वोच्च नेता अयातुल्लाह अली खामेनीको सल्लाहकारको रूपमा पनि काम गरिसकेका छन्।

आइतबार इजरायली र अमेरिकी आक्रमणमा इरानका सर्वोच्च नेता अयातोल्लाह अली खामेनीको मृत्यु भएको छ।