नेकपाको केन्द्रीय समिति बैठक अनलाइनमै, नियमावलीदेखि सदस्यता विस्तारसम्मका विषयमा छलफल हुने
नेपाली कम्युनिस्ट पार्टीले केन्द्रीय समितिको बैठक बोलाएको छ । अनलाइन मै हुने बैठक आज अपराह्न साढै चार बजेलाई बोलाइएको हो । पार्टीका मुख्यसचिव गणेशमान पुनद्वारा जारी सूचनाअनुसार बैठक जुम माध्यममार्फत सञ्चालन गरिनेछ।
बैठकमा सहभागी हुन आवश्यक जुम आईडी यसअघि नै पठाइसकिएको जनाउँदै आईडी प्राप्त नगरेका केन्द्रीय सदस्यलाई समेत सहभागी गराउन सम्बन्धित सबै पक्षलाई विशेष अनुरोध गरिएको छ।
कार्यसूचीअनुसार बैठकको सुरुआत शहीदहरूप्रति एक मिनेट मौनधारण गर्दै श्रद्धाञ्जली अर्पण गरेर गरिनेछ। त्यसपछि पार्टीको नियमावली तथा आचारसंहितामाथि छलफल, पार्टी सदस्यता नवीकरण तथा विस्तारसम्बन्धी विषयको समीक्षा तथा विविध एजेन्डामा विचार–विमर्श हुने जनाइएको छ।
बैठकको अन्त्यमा पार्टीका संयोजक र सहसंयोजकले समसामयिक राजनीतिक परिस्थिति तथा संगठनात्मक कार्यदिशासम्बन्धी निर्देशन दिने कार्यक्रम तय गरिएको पार्टीले जनाएको छ।
ट्रेन्डिङ
सम्बन्धित
