मेसीको खेल हेर्न अमेरिका जाँदै अनमोल

काठमाडौं । नायक अनमोल केसी वर्ल्डकप फुटबलको म्याच हेर्न अमेरिका जाने भएका छन् । असार १४ (जुन २८) मा हुने अर्जेन्टिना र जोर्डनको खेल हर्न अनमोल भोलि (बिहीबार) अमेरिका जान लागेका हुन् ।

यो खेल असार १४ गते बिहान डलास रंगशालामा ७ः४५ बजे हुनेछ । १६ सय डलरमा उनले टिकट लिएको अनमोलनिकट स्रोतले बताएको छ ।

यही म्याचका लागि उनले ‘बाटुलो जुन’को छायांकन सकेर मंगलबार काठमाडौं फर्किएका थिए । अनमोल लियोनल मेसीको ठूलो फ्यान हुन् ।

मेसीले अर्को वर्ल्डकप खेल्ने सम्भावना न्यून रहेकाले अनमोल उनको खेल हेर्न सिनेमाको छायांकन छिटो सक्न लगाएर अमेरिका जान लागेका हुन् ।