इरानसँग हस्ताक्षर भइसकेको र ‘छिट्टै’ विवरण सार्वजनिक गरिने ट्रम्पको दाबी
काठमाण्डौ- अमेरिकी राष्ट्रपति डोनाल्ड ट्रम्पले इरान युद्ध अन्त्यसम्बन्धी सहमतिमा हस्ताक्षर भइसकेको र त्यसका विस्तृत विवरण छिट्टै सार्वजनिक हुने बताएका छन् ।
जी–सेभेन सम्मेलनका क्रममा फ्रान्सका राष्ट्रपति एमानुएल माक्रोँसँगको कुराकानी ट्रम्पले युद्ध अन्त्यसम्बन्धी सहमतिमा हस्ताक्षर भएको छ भन्न पाउँदा आफूलाई एकदमै खुसी लागेको बताएका बीबीसीले जनाएको छ । अमेरिकी वरिष्ठ अधिकारीहरूले सम्झौतामा उल्लेख भएका विषयहरू खुलाउन शुरु गरेका छन् ।
सम्झौतामा औपचारिक हस्ताक्षर शुक्रबार जेनेभामा भएकै दिन होर्मुज जलमार्ग पुनः खुला हुने भएको छ । यसै हप्ता इरानको परमाणु कार्यक्रमबारे प्राविधिक वार्ता पनि शुरु हुनेछ । इरानमाथिका प्रतिबन्ध र उसका सम्पत्ति फुकुवा गर्ने विषय सम्झौताको पालनामा उसले देखाएको प्रतिबद्धतामा निर्भर रहने अमेरिकी अधिकारीले बताएका खबरमा उल्लेख छ ।
अमेरिकी उपराष्ट्रपति जे डी भान्सले बताए अनुसार इरानसँगको सम्झौताको प्रारूप डेढ पृष्ठ लामो छ । भान्सले एउटा हरफमा इरानले क्षेत्रीय शान्ति र स्थिरताका लागि प्रतिबद्धता पनि जनाएको बताएका छन् । महत्त्वपूर्ण विषय इरानले परमाणु अस्त्र नबनाउने आधिकारिक प्रतिबद्धता जनाउन लागेको उनको दाबी छ ।
पछिल्लो सहमति अनुसार दुवै पक्षले थप ६० दिनका लागि युद्धविराम कायम राख्ने छन् । त्यसबीचमा सम्झौताका बाँकी विषयहरू टुङ्गो लगाइनेछ । अमेरिका र इरानबीच सहमति भएपछि पनि लेबनानमा इजरेली सेना र इरान समर्थित हिज्बुल्लाहबीच द्वन्द्व कायमै छ ।
ट्रेन्डिङ
सम्बन्धित
