प्रधानमन्त्रीको सीमासम्बन्धी हर्कले रविलाई पठाए यस्तो पत्र

श्रम संस्कृति पार्टीका अध्यक्ष हर्कराज राईले राष्ट्रिय स्वतन्त्र पार्टी (रास्वपा) का सभापति रवि लामिछानेलाई खुला पत्र लेखेका छन्।

उनले लामिछानेलाई खुलापत्र लेख्दै प्रधानमन्त्री बालेन्द्र शाहले नेपालले पनि भारतको जग्गा मिचेको छ भनेर दिएको अभिव्यक्तिमा पार्टीको धारणा सार्वजनिक गर्न माग गरेका हुन्।

पत्रमा उनले लेखेका छन्, ‘मिति २०८३।२।१७ गते बसेको प्रतिनिधिसभाको बैठकमा तपाईंको पार्टी सदस्य तथा नेपाल सरकारको प्रधानमन्त्री बालेन्द्र शाहले सांसदहरूले सोधेका प्रश्नहरूको उत्तर दिने क्रममा ‘नेपालले पनि भारतको सीमा धेरै ठाउँमा मिचेको छ’ भन्ने अभिव्यक्ति दिनुभएको सम्बन्धमा तपाईंको पार्टीको आधिकारिक धारणा के हो? सो सार्वजनिक गरिदिन यो खुलापत्र मार्फत अनुरोध छ।’