अब हामी संसद्‍मा प्रधानमन्त्री खोज्दैनौं : भिष्मराज आङदेम्बे

नेपाली कांगेसले प्रतिनिधि सभाभित्र अब प्रधानमन्त्री नखोज्ने बताएको छ।

प्रतिनिधि सभाको बुधबारको बैठकमा विशेष समयमा बोल्दै कांग्रेस संसदीय दलका नेता भिष्मराज आङदेम्बेले सीमा जस्तो गम्भीर विषयमा बोलेको अभिव्यक्तिबारे जवाफ माग्दासमेत उपस्थित नभएपछि अब प्रधानमन्त्री बालेन्द्र शाहलाई नखोज्ने बताएका हुन्।

संसद्मा जनतासँग जोडिएका कैयौं विषयहरु थाँती रहेको उल्लेख गर्दै उनले प्रतिनिधि सभामा अब प्रधानमन्त्रीको खोजीलाई छाडेर बजेटसहितका विषयमा छलफल अघि बढाउन अपिल गरे। नेता आङदेम्बेले नेपालले पनि भारतको सीमा मिचेको छ भन्ने प्रधानमन्त्रीको अभिव्यक्तिमा समर्थन गर्ने राष्ट्रिय स्वतन्त्र पार्टीका सबै सांसदहरुलाई क्षमायाचनासहित सच्चिएर अघि बढ्न अपिल गरे।