सदनको अवरोध अन्त्यका लागि विपक्षीसँग छलफलमा रवि

काठमाडौं । संघीय संसद्को अवरोध खुलाउने विषयमा राष्ट्रिय स्वतन्त्र पार्टी (रास्वपा)का सभापति रवि लामिछाने विपक्षी दलहरूसँग छलफलमा जुटेका छन् ।

अहिले सिंहदरबारमा छलफल भइरहेको हो । संसद् अवरोधको गाँठो फुकाउने प्रयत्न भइरहेको जनाइएको छ ।

११ बजेका लागि बोलाइएको प्रतिनिधिसभाको बैठक सुरु हुन सकेको छैन ।

छलफलमा कांग्रेस दलका नेता भीष्मराज आङ्देम्बे, प्रमुख सचेतक वासना थापा, एमालेका प्रमुख सचेतक ऐन महर, नेकपाका प्रमुख सचेतक युवराज दुलाल, राप्रपाकी खुश्वु ओली छन् ।

त्यस्तै, रास्वपाका प्रमुख सचेतक कबिन्द्र बुर्लाकोटी, सचेतक क्रान्तिशिखा धिताललगायत छन् ।