Author: The Everest Post

धनगढी : सुदूरपश्चिम प्रदेशमा दसैँको अवधिभर भएका सवारी दुर्घटनाबाट आठ जनाको मृत्यु भएको छ। प्रदेशमा दशैँको समयमा एक सय २२ जना घाइते भएका छन्।

घटस्थापनादेखि कोजाग्रत पूर्णिमासम्म प्रदेशका पाँच जिल्लामा ४९ वटा सवारीसाधन दुर्घटनामा परेको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ। सबैभन्दा धेरै कैलाली र कञ्चनपुरमा २१÷२१ वटा सवारीसाधन दुर्घटनामा परेको तथ्याङ्क छ। कैलालीमा चार जनाको मृत्यु हुँदा ५४ जना घाइते भएका छन् भने कञ्चनपुरमा दुई जनाको मृत्यु भने ३७ घाइते भएका छन्।

बैतडीमा पाँच वटा सवारीसाधन दुर्घटना एकको मृत्यु भएको छ। बैतडीमा १४ जना घाइते भएका छन्। दार्चुलामा एकको मृत्यु र १० जना घाइते, डडेल्धुरामा एउटा सवारीसाधन दुर्घटनामा ७ जना घाइते भएका ट्राफिक प्रहरीले बताएको छ।

दसैँको बेला डोटी, बाजुरा, अछाम र बझाङमा भने सवारीसाधन दुर्घटना नभएको पाइएको छ।

एजेन्सी : विश्वको सर्वोच्च शिखर सगरमाथा नजिकैको तिब्बती पठारमा सप्ताहन्तमा परेको भीषण हिमपातपछि फसेका करिब एक हजार पर्वतारोही र सहयोगी कर्मचारीलाई सकुशल उद्धार गरिएको चिनियाँ राज्य मिडियाले जानकारी दिएको छ ।

हालका वर्षहरूमा चीनको पश्चिमी उच्चभूमि क्षेत्रमा पर्यटन तीव्र गतिमा बढ्दै आएको छ । यो वर्षको आठ दिने राष्ट्रिय बिदाका अवसरमा हजारौँ पर्यटक र बाहिरी खेलप्रेमीहरू यस क्षेत्रका प्रसिद्ध ट्रेकिङ मार्गहरूमा पुगेका थिए ।

तर सप्ताहन्तमा परेको तीव्र हिमपातले धेरै शिविरहरू पुरिँदा यात्रुहरू फस्न पुगेका थिए । त्यसपछि उद्धारकर्मीहरूले अग्निशामक, घोडा, याक र ड्रोनसम्म प्रयोग गरी ठूलो मात्रामा उद्धार अभियान सञ्चालन गरेका थिए ।

राज्य समाचार एजेन्सी सिन्ह्वाका अनुसार पाँच सय ८० जना पर्वतारोही र तीन सयभन्दा बढी स्थानीय गाइड, कर्मचारी र याक गोठालाहरू सुरक्षित रूपमा नजिकैको बस्तीमा फर्किएका छन् । उद्धार टोलीहरूले लगभग एक दर्जन थप पर्वतारोहीहरूलाई आपूर्तिसहित नजिकैको बस्तीमा पुर्‍याएका छन् ।

सबैजना सुरक्षित रूपमा फर्किएपछि सगरमाथा नजिकको उद्धार अभियान औपचारिक रूपमा समाप्त भएको बताइएको छ । यद्यपि अप्रत्याशित चरम मौसमका कारण नजिकका अन्य क्षेत्रमा क्षति पुगेको जनाइएको छ ।

छिमेकी किङ्घाई प्रान्तमा एक हाइकरको हाइपोथर्मिया र उचाइ रोगका कारण मृत्यु भएको राज्य मिडियाले सोमबार पुष्टि गरेको छ ।

यसैबीच, नेपाल र भारतको सिमानामा भारी वर्षाले निम्त्याएको बाढी र भूस्खलनबाट ७० जनाभन्दा बढीको मृत्यु भएको अधिकारीहरूले जनाएका छन् । उद्धारकर्मीहरूले दुर्गम पहाडी बस्तीहरूमा पुग्न अहिलेसम्म पनि कठिनाइ भोगिरहेका छन् ।

काठमाडौं । नेकपा एमालेका नेता महेश बस्नेतले पार्टी अध्यक्ष केपी ओली पक्राउ गरेर देखाउन चुनौती दिएको छ। पार्टी कार्यालय च्यासलमा पत्रकार सम्मेलन गरेर आफू र केपी ओलीलाई समातेर देखाउन चुनौती दिए ।

उनले सरकारलाई चुनौती दिँदै भने, ‘केपी ओली दोषी हुनुहुन्छ र तिम्रा बाको हिम्मत छ भनेर समातेर देखाऊ । यो धर्तीमा केपी ओली, एमाले र महेश बस्नेत जिउँदै छ ।’

उनले केपी ओली राष्ट्रियताको पक्षमा, भ्रष्टाचारविरुद्ध लागेकै भएकाले विदेशी षड्यन्त्र भएको जिकिर गरे ।

काठमाडौँ । प्रधानमन्त्री सुशीला कार्कीले पाकिस्तान सरकार र त्यहाँको जनताको सहयोग आवश्यक रहेको बताएकी छन् ।

पाकिस्तानका समकक्षी शेहवाज सरिफले नेपालमा आएको बाढी र त्यसबाट भएको क्षतिप्रति दुःख र संवेदना प्रकट गरेपछि प्रधानमन्त्री कार्कीले धन्यवाद दिँदै उक्त कुरा बताएकी हुन् ।

कार्कीले बाढी र पहिरोको यो कठिन समयमा पाकिस्तान सरकार र त्यहाँको जनताबाट प्राप्त सहयोग सद्भावप्रति पनि धन्यवाद व्यक्त गरिन् ।

सरिफले हिजो आफ्नो आधिकरिक एक्सबाट नेपालमा बाढी र पहिरोबाट भएको मृत्यु र व्यापक क्षतिप्रति दुःख व्यक्त गरेका थिए । यो कठिन क्षणहरूमा पाकिस्तान सरकार र जनता नेपाल सरकार र जनताको साथमा रहेको उल्लेख गरेका थिए ।

काठमाडौं । लाङ्टाङ क्षेत्रमा अलपत्र परेका १२ पदयात्रीलाई नेपाली सेनालगायत सुरक्षा निकायले सकुलशल उद्धार गरेको छ।

पदयात्रामा रहेका भक्तपुरका १६ जनामध्ये चार जना बाढीमा बेपत्ता भएपछि अलपत्र परेका उनीहरूलाई नेपाली सेना, नेपाल प्रहरी र सशस्त्र प्रहरी बल नेपालले सकुशल उद्धार गरी स्याफ्रुबेँसी ल्याएको हो।

सबैलाई काठमाडौँ पठाइएको प्रहरीले जनाएको छ।

लाङ्टाङ पदयात्राका रहेका भक्तपुरका संस्कृति श्रेष्ठ, किसन श्रेष्ठ, सङ्गीता श्रेष्ठ र रवि श्रेष्ठ बेपत्ता छन्।

काठमाडौं ।  भारतका प्रधानन्यायाधीश बी।आर। गवईमाथि सोमबार बिहान सर्वोच्च अदालतभित्रै जुत्ता प्रहार गरिएको छ। ७१ वर्षका अधिवक्ता राकेश किशोरले कारबाहीको क्रममा आफ्नो जुत्ता निकालेर गवईतर्फ फ्याँकेका थिए।

भारतीय सञ्चार माध्यमहरूका अनुसार, दिल्ली प्रहरीले उनीमाथि नियन्त्रण लिएर अनुसन्धान सुरु गरेको छ। दिल्ली प्रहरीले दिएको जानकारीअनुसार उक्त घटना बिहान करिब ११स्३५ बजे सर्वोच्च अदालतको कोठा नं। १ मा भएको हो। ‘सुरक्षाकर्मीहरूले उनलाई तत्काल नियन्त्रणमा लिए र सर्वोच्च अदालतको सुरक्षा इकाईलाई जिम्मा लगाए। उनी मायूर विहार क्षेत्रका बासिन्दा हुन् र सर्वोच्च अदालत बार एशोसिएशनका सदस्य पनि हुन्,’ एक वरिष्ठ प्रहरी अधिकारीले बताए।

जुत्ता प्रहार गर्ने अधिवक्ता प्रधानन्यायाधीश गवईले हालै मध्यप्रदेशको खजुराहो मन्दिर परिसरभित्रको भगवान् विष्णुको मूर्ति पुनर्स्थापना सम्बन्धी मुद्दाको सुनुवाइमा गरेका टिप्पणीबाट असन्तुष्ट रहेका खुलेको छ । गवईमाथि जुत्ता प्रहार गर्दा पनि उनी शान्त देखिए र अदालतमा रहेका वकिलहरूलाई कारबाही जारी राख्न आग्रह गरे। उनले भने, ‘यसबाट विचलित नहोस्, मलाई पनि फरक पर्दैन।’

सुरक्षाकर्मीहरूले राकेश किशोरलाई अदालतबाहिर निकाल्दै थिए, उनले चिच्याउँदै भनेका थिए, ‘सनातन धर्मको अपमान हिन्दुस्तानले सहिँदैन।’ अहिले प्रधानन्यायाधीश गवईलाई दिल्ली प्रहरीले ‘जेड प्लस’ सुरक्षा उपलब्ध गराएको छ ।

गवईले न्यायाधीश के। विनोद चन्द्रनसँगको इजलासमा १६ सेप्टेम्बरमा खजुराहो मन्दिर परिसरको जवारी मन्दिरमा रहेको ७ फिट अग्लो भगवान् विष्णुको भग्न मूर्ति पुनर्निर्माणको मागसहित दायर याचिका खारेज गरेका थिए।

इन्डिया एक्सप्रेसका अनुसार, सुनुवाइको क्रममा गवईले भनेका थिए, ‘यो त केवल प्रचारको लागि गरिएको मुद्दा हो। जानुहोस् र मूर्तिलाई नै केही गर्न भन्नुस्। तपाईं आफूलाई भगवान् विष्णुको भक्त भन्नुहुन्छ भने प्रार्थना गर्नुहोस्, ध्यान गर्नुहोस्।’