एसईई ग्रेडवृद्धि परीक्षाको नतिजा सार्वजनिक
२३ असार २०८३ १३:१६
काठ्माण्डौ- राष्ट्रिय परीक्षा बोर्डले कक्षा १० को माध्यमिक शिक्षा परीक्षा (एसईई) २०८२ को ग्रेडवृद्धि परीक्षाको नतिजा प्रकाशित गरेको छ।
बोर्डले मंगलबार ग्रेडवृद्धि परीक्षाको नतिजा प्रकाशित गरेको हो।
ग्रेडवृद्धि परीक्षामा १ लाख २९ हजार १ सय ९४ जना परीक्षार्थी सहभागी भएकामा ८३ हजार ५ सय २३ जना उत्तीर्ण भएका छन् ।
बोर्डको अनुसार सबैभन्दा धेरै ५१ हजार ४३८ विद्यार्थीले २.४० देखि २.८० सम्म जीपीए प्राप्त गरेका छन्।
१६ हजार ४६७ जनाले २.८० देखि ३.२०, १४ हजार ३६२ जनाले २.०० देखि २.४०, १ हजार १९५ जनाले ३.२० देखि ३.६०, ४५ जनाले १.६० देखि २.०० र १६ जनाले ३.६० देखि ४.०० जीपीए हासिल गरेका छन्।
बोर्डले नतिजा प्रकाशनमा केही प्राविधिक त्रुटि देखिए पुनः सच्याउने व्यवस्था गरेको छ। जसको लागि असार २५ गतेदेखि असार ३१ गतेसम्म समय छुट्टाइएको छ।
ट्रेन्डिङ
सम्बन्धित
