संसद्मै इन्टरनेट समस्या, भएन प्रत्यक्ष प्रसारण
काठ्माण्डौ- प्रतिनिधिसभाको बैठकको प्रत्यक्ष प्रसारण बिहीबार बिहानदेखि इन्टरनेट सेवा अवरुद्ध भएपछि प्रभावित भएको छ।
सिंहदरबारस्थित संघीय संसद् भवनमा बैठक नियमित रूपमा सञ्चालन भइरहे पनि इन्टरनेटमा समस्या आएपछि लाइभ स्ट्रिमिङ रोकिएको संसद् सचिवालयले जनाएको छ।
सचिवालयका अनुसार इन्टरनेट मर्मतको काम भइरहेकाले सेवा सुचारु हुनेबित्तिकै बैठकको प्रत्यक्ष प्रसारण पुनः सुरु गरिनेछ।
