पाराग्वे १-० ले विजयी, टर्की विश्वकपको समूह चरणबाटै बाहिरियो

काठ्माण्डौ- फिफा विश्वकप २०२६ अन्तर्गतको शनिबार टर्की र पाराग्वेबीचको खेल सम्पन्न भएको छ।

सान फ्रान्सिस्कोमा सम्पन्न उक्त खेलमा पाराग्वेले टर्कीलाई हराएको छ। टर्कीविरद्ध पाराग्वेले १-० को गोलले हराएको हो। लगातार दोस्रो हारपछि टर्की विश्वकपको समूह चरणबाटै बाहिरिएको छ।

खेलको २ मिनेटमै माटियाज गालाजाराले एक गोल गर्दै पाराग्वेलाई सुरुवाती अग्रता दिलाएका थिए। टर्कीले प्रयास गर्दा पनि कुनै पनि गोल फर्काउन सकेन।

पाराग्वे खेलाडी मिगेल अल्मिरोनलाई खेलको ४ प्लस ३ मिनेटमा रेड कार्ड दिइएको थियो।

रेड कार्ड पाएपछि अल्मिरोन खेलबाट बाहिरिएका थिए। अर्को टोलीसँग कुरा गर्दा हातले मुख छोपेका कारण उनलाई रेड कार्ड दिइएको हो। यसरी रेड कार्ड पाउने उनी पहिलो खेलाडी हुन्।