नेपाल एसबिआई बैंकले गर्‍यो देशका विभिन्न ४४ स्थानमा वित्तीय साक्षरता कार्यक्रम

काठमाडौं- नेपाल एसबिआई बैंकले ग्लोबल मनी विक २०२६ को अवसरमा देशका विभिन्न ४४ स्थानमा चैत २ देखि ८ गतेसम्म विद्यार्थी तथा युवा लक्षित वित्तीय साक्षरता कार्यक्रमहरूको आयोजना गरेको छ।

सातै प्रदेशमा आयोजना गरिएको उक्त कार्यक्रमले स्कुल तथा कलेजका विद्यार्थीहरूलाई बचतको महत्व, ऋण तथा लगानी, डिजिटल बैंकिङ, डिजिटल ठगी सम्बन्धी सचेतना र अन्य आधारभूत बैंकिङ तथा वित्तीय अवधारणा लगायत विभिन्न विषयहरूमा जानकारी गराएको थियो।

उक्त कार्यक्रमहरु कोशी प्रदेशको इटहरी, भोजपुर, विराटनगर, बरगाछी,  बिर्तामोड, इलाम, दमक र फिदिम, मधेस प्रदेशको सिमरा, बर्दिबास, बिरगञ्ज,  चन्द्रनिगाहापुर, राजगढ,  पिडारी चौक र जनकपुर, बागमति प्रदेशको पाटन, धादिङ,  नारायणगढ र हेटौंडा, गन्डकी प्रदेशको दुलेगौंडा, पोखरा, आबुखैरेनी, बेसीशहर, दमौली, वालिङ, कावासोती, बिरौटा र शिशुवा, लुम्बिनी प्रदेशको सुनछहारी, दाङ, बुटवल, भैरहवा, सन्धिखर्क, लमही र रामपुर बजार, कर्णाली प्रदेशको सुर्खेत  र चामुण्डा, सुदूरपश्चिम प्रदेशको धनगढी, गन्यापधुरा, डडेलधुरा, महेन्द्रनगर, शिबनाथ, अत्तरीया र टिकापुर लगायतका विभिन्न स्थानहरुमा सञ्चालित कार्यक्रम मार्फत ३ हजारभन्दा बढी विद्यार्थी तथा युवा लाभान्वित भएका थिए।

नेपाल एसबिआई बैंकले विगत ३२ वर्षदेखि बैकिङ सेवा प्रदान गर्दै आइरहेको छ। हाल बैंकका १०२ शाखा, २२ एक्स्टेन्सन काउन्टर, ७ प्रादेशिक कार्यालय, २१ शाखारहित बैंकिङ, १२७ एटिएम र १ कर्पोरेट कार्यालय सञ्चालनमा छन्।