ट्रम्पको घोषणाका बाबजुद थाइल्याण्ड र कम्बोडियाबीच झडप जारी

काठमाडौं : अमेरिकी राष्ट्रपति डोनाल्ड ट्रम्पले दुई देशबीच युद्धविरामको घोषणा गरे पनि थाइल्याण्ड र कम्बोडियाबीच  झडप जारी रहेको छ।

ट्रम्पले दुवै देशका नेता  शुक्रबार साँझदेखि गोलीबारी रोक्न र आफूले गरेको मूल शान्ति सम्झौतामा फर्कन सहमत भएको बताएका थिए। तर शुक्रबार साँझ र शनिबार गोलाबारी जारी रह्यो। यसैबीच थाई सेनाले धेरै रणनीतिक स्थान  कब्जा गर्ने प्रयास गरिरहेको छ।

थाई प्रधानमन्त्री अनुतिन चार्नविराकुलले अमेरिकी राष्ट्रपतिलाई कम्बोडियाले आफ्ना सबै सेना फिर्ता गरे र बारुदी सुरुङहरू हटाएमा मात्र युद्धविराम सम्भव हुने बताएको बताए।

“थाइल्याण्डले हाम्रो भूमि र जनतालाई थप हानि वा खतरा महसुस नगरेसम्म सैन्य कारबाही जारी राख्नेछ। म यो कुरा स्पष्ट पार्न चाहन्छु। आज बिहानको हाम्रो कार्यले यो स्पष्ट सन्देश दिन्छ,” उनले सामाजिक सञ्जालमा भने।

थाइल्याण्ड र कम्बोडियाबीच पुनः सुरु भएको द्वन्द्वमा कम्तीमा २१ जनाको मृत्यु भएको छ भने ७ लाख मानिसलाई सुरक्षित स्थानमा सारिएको छ।