एनएमबी बैंक अत्तरिया शाखाद्वारा गेटा आँखा अस्पताललाई स्मार्ट डिजिटल बोर्ड सहयोग

धनगढी ७ असोज । एनएमबी बैंक अत्तरिया शाखाद्वारा गेटा आँखा अस्पताललाई स्मार्ट डिजिटल बोर्ड सहयोग गरेको छ ।
एनएमबी बैंकका क्षेत्रीय प्रबन्धक सुशील बहादुर सिंहले अस्पतालका चिफ मेडिकल डाईरेक्टर डा. सुरेश राज पन्तलाई मंगलबार उक्त स्मार्ट डिजिटल बोड हस्तान्तरण गरे ।
बैंकको अत्तरिया शाखाले सामाजिक उत्तरदायित्व कार्यक्रम अन्र्तगत गेटा आँखा अस्पताललाई डिजिटल बोड सहयोग गरेको शाखा प्रबन्धक गणेश जोशीले जानकारी दिए ।
कार्यक्रममा नेपाल नेत्र ज्योति संघका केन्द्रिय उपाध्यक्ष चक्र बहादुर सिंह, सुदूरपश्चिम प्रदेश सचिव भपेन्द्र थापा, कैलाली शाखाका सभापति लोक राज जोशी, उपाध्यक्ष यज्ञ राज चौधरी, एनएमबी बैंकका व्यवसाय विकास अधिकृत झरना निदालको उपस्थित रहेको थियो ।
एनएमबी बैंकले हाल देशभर २०२ शाखा, १८७ एटीएम, र ९ विस्तारित काउन्टर मार्फत आफ्ना ग्राहकहरुलाई पहुँचयुक्त र नवीन वित्तीय सेवा प्रदान गरिरहेको छ ।