अछाममा महिनावारी हुँदा खेतमा पाल टाँगेर सुतेकी महिला र बालिकाको भीरबाट ढुङ्गा खस्दा मृत्यु
अछाम, १३ भदौ ।
अछाममा महिनावारी बारेर खेतबारीमा पाल टाँगेर सुतेको अवस्थामा ढुङ्गा लागेर दुई जनाको मृत्यु भएको छ।
जिल्लाको अछामको पञ्चदेवल विनायक नगरपालिका–८ सेलापानीस्थित चुरखोली टोलमा ढुङ्गा खस्दा गोरे भण्डारीकी ७ वर्षीया छोरी कविता भण्डारी र ३५ वर्षीया निम खनालको मृत्यु भएको जिल्ला प्रहरी कार्यालय अछामले जानकारी दिएको छ।
गोरे भण्डारीकी श्रीमती ३६ वर्षीया रत्ना भण्डारीको टाउकोमा चोट लागेको छ। उनको अवस्था गम्भीर रहेको जिल्ला प्रहरी कार्यालय अछामका प्रमुख प्रहरी नायब उपरीक्षक ओमप्रकाश खनालले जानकारी दिए।
आज ९मंगलबार० बिहान करिब ५स्३० बजेतिर अविरल वर्षाका कारण भीरबाट खसेको ढुङ्गाले त्रिपाल टाँगेर सुतिरहेका स्थानीय तीन जनालाई लागेको थियो। तीमध्ये दुई जनाको घटनास्थलमै मृत्यु भएको प्रहरीले जनाएको छ।
गम्भीर घाइतेलाई तत्काल उपचारका लागि स्थानीय स्वास्थ्यचौकी बारला पठाइएको थियो भने थप उपचारका लागि नेपालगञ्ज रेफर गर्ने तयारी गरिएको छ।
मृतक खनाल र भण्डारी दुवै जना माइतीघरमा आएर महिनावारी भएको कारण खेतमा पाल टाँगेर सुतेका थिए।
भण्डारीकी ७ वर्षीया छोरी आमाको मायाले उनीहरूसँगै त्रिपालमुनी सुतेकी थिइन्। आमा गम्भीर घाइते हुँदा छोरीसहित थप एक जनाको मृत्यु भएको हो।
ट्रेन्डिङ
ताजा समाचार
सम्बन्धित
