कैलालीकी १३ वर्षीय बालिकामाथि सामूहिक बलात्कार, दुई जना पक्राउ एक फरार

कैलाली । कैलालीकी १३ वर्षीय एक बालीका सामूहिक बलात्कारमा परेकी छन्  । गत जेठ २ गते कञ्चनपुरको कृष्णपुरमा उनी बलात्कारमा परेकी हुन । जिल्ला प्रहरी कार्यालय कञ्चनपुरले घटनामा संलग्न २ जनालाई कञ्चनपुरबाटै पक्राउ गरेको छ ।

पीडितले इलाका प्रहरी कार्यालयमा दिएको उजुरीको आधारमा उनीहरूलाई पक्राउ गरिएको हो । घटनामा संलग्न एक जना फरार रहेका छन् । उनको खोजी कार्य भइरहेको जिल्ला प्रहरी कार्यालय कञ्चनपुरका सूचना अधिकारी सागर बोहराले जानकारी दिएका छन् ।

पक्राउ परेकाहरूलाई जिल्ला अदालतबाट ५ दिनको म्यादथप गरी अनुसन्धान भइरहेको उनले बताए । पीडित किशोरी गत जेठ २ गते आफन्तको बिहेमा कञ्चनपुर गएको बुझिएको छ । सोही दिन उनी बलात्कारमा परेकी थिइन भने जेठ १० गते किटानी जाहेरी दर्ता गरेकी थिइन ।