तीनकुने घटना : ६१ जनालाई प्रतिवादी बनाउँदै अदालतमा मुद्दा दर्ता

काठमाडौं  । तीनकुने भएको आगजनी, तोडफोड र लुटपाटमा संलग्न ६१ जनालाई प्रतिवादी बनाउँदै जिल्ला सरकारी वकिल कार्यालयले अदालतमा मुद्दा दर्ता भएको छ । बाँकी ४ जनाको भने सोमबार मुद्दा दर्ता हुने भएको छ ।

सरकारी वकिल कार्यालयका अनुसार घटनामा ३० जना बिरुद्ध आपराधिक उपद्रव र संगठित अपराधको कसुरमा मुद्दा दर्ता भएको छ भने बाँकी ३१ जनालाई राज्य विरुद्धको अपराध, कर्तब्य ज्यान र ज्यान मार्ने उद्दोग अन्तर्गत मुद्दा दर्ता भएको छ ।

वकिल कार्यालयका प्रमुख सहन्यायधिवक्ता रामहरी काफ्लले घटनामा संलग्न ६१ जना विरुद्धको मुद्दा अदालतमा दर्ता भएको बताए । उनले भने,‘तीनकुने घटनासँग सम्बन्धित मुद्दा अदलतमा दर्ता भएको छ ।

मुद्दामा ६१ जनालाई प्रतिवादी बनाइएको छ । अन्य चार जना बालक पनि छन् । उनीहरु विरुद्धको मुद्दा भने भोली दर्ता हुनेछ । प्रहरीले १०८ जना विरुद्ध मुद्दा चलाउनु पर्ने भन्दै राय पेश गरेको थियो ।