एकै मञ्चमा देखिँदै बालेन-रवि र गगन
काठ्माण्डौ- आजदेखि चितवनमा सुरु हुने राष्ट्रिय स्वतन्त्र पार्टीको प्रथम राष्ट्रिय महाधिवेशनको उद्घाटनसत्रमा सहभागी हुन विभिन्न राजनीतिक दलका नेता तथा प्रतिनिधिहरू भरतपुर पुग्ने क्रम जारी छ।
नेपाली कांग्रेसका सभापति गगनकुमार थापा केहीबेर अघि मात्र चितवन पुगेका छन् भने पूर्वप्रधानमन्त्री बाबुराम भट्टराई, नेपाल कम्युनिष्ट पार्टी (एमाले)का नेता प्रदीपकुमार ज्ञवाली, नेपाली कम्युनिष्ट पार्टी (नेकपा)का नेता वर्षमान पुन र राष्ट्रिय प्रजातन्त्र पार्टीका अध्यक्ष राजेन्द्र लिङ्देन कार्यक्रमस्थलमा पुगिसकेका छन्।
यसैगरी, जनता समाजवादी पार्टीका अध्यक्ष उपेन्द्र यादव र जनमत पार्टीका अध्यक्ष चन्द्रकान्त राउत चितवन पुगिसकेका छन्।
यसैबिच, आज माहधिवेशनको उद्घाटन समारोहको अवसरमा प्रधानमन्त्री बालेन्द्र शाह, पार्टी सभापति रवि लामिछाने र गगन थापा एकै मञ्चमा देखिने छन्। गगनले नेपाली कांग्रेसको तर्फबाट शुभकामना मन्तव्य राख्ने छन्।
ट्रेन्डिङ
सम्बन्धित
